Microsoft Word muminning sifatlari ziyouz com doc

 
 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
29
-36- 
МЎЪМИН МЎЪМИНГА БИРОДАР 
 
"Мусулмон мусулмоннинг биродаридир"
43
.
Мўъминлар бир-бирларига биродардирлар. Уларнинг озод, қул, камбағал, бой, кекса ёки 
ёш бўлганликларида асло фарқ йўқ. "Фақат мўъминларгина бир-бирлари билан 
биродардирлар" ояти каримасининг шарофати ила бу биродарлик бир ота-она наслидан 
бўлган ака-укаликдан устун қўйилган. Зеро, ака-ука қариндошлиги дунёвийдир. Иймон ва 
Ислом биродарлиги эса ҳам дунёга, ҳам охиратга тааллуқлидир.
Ушбу ҳадиси шарифнинг нақл қилинишига қуйидаги воқеа сабаб бўлган экан. Ровий 
ҳазрати Ҳанзала разийаллоҳу анҳу Расулуллоҳ саллаллоҳу алайҳи васалламни зиёрат 
қилмоқчи бўлибдилар. Воил ибн Ҳожар деган зотни ҳам ёнларига олибдилар. Йўлда Воил ибн 
Ҳожарнинг душманлари учраб, уни қўлга олмоқчи бўлибдилар. Шунда Ҳанзала: "У менинг 
биродарим" деб қасам ичибди. Душманлар унинг сўзига ишониб, Воилга тегмабдилар. 
Расулуллоҳ ҳузурларига келгач, Ҳанзала ҳодисани баён этибди. Расулуллоҳ саллаллоҳу алайҳи 
васаллам: 
"Тўғри айтибсизлар, мусулмон-мусулмонга ака-укадир
", дебдилар.
Ҳадиснинг тўлиқ матни эса бундай: "
Мусулмон мусулмон учун ака-укадир. Унга зулм 
қилмайди, молини ноҳақ тортиб олмайди, Ҳаққини ҳам камайтирмай беради"
44
...
Мусулмон киши диндош биродарларига ёрдамини аямайди. Унинг қийинчилигини бартараф 
этишга, унга бошқа тарафлардан келадиган жабру зулмни қайтаришга ҳаракат қилади. 
Биродарларининг орасини ислоҳ этади, унга суянилганида ишончни оқлайди. Чунки 
мусулмонликнинг русуми шундай. Биродарини таҳқирламайди, унинг устидан кулмайди, 
истеҳзо этмайди. Зеро, у ҳам Аллоҳнинг бандаси. Уни ҳам Аллоҳ яратган. Аммо бир жиҳатдан 
заифроқ, фақирроқ.
Расулуллоҳ саллаллоҳу алайҳи васаллам қалбларини кўрсатиб: "
Тақво шу ерда
" 
деганлар. Аллоҳдан қўрқиш куфр, ширк ва гуноҳлардан сақланиб, солиҳ амаллар қилишга 
воситадир. Ул зот яна кўксиларини кўрсатиб