Microsoft Word muminning sifatlari ziyouz com doc

 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
2
-1-
 
МЎЪМИН ҲАММАНИНГ ИШОНЧЛИ КИШИСИ 
 
"Мўъмин барча инсонларнинг ишончли кишисидир. Тилидан ва қўлидан 
мусулмонларга зарари етмайдиган киши ҳақиқий мусулмондир. Ёмонликларни тарк 
этган киши асл муҳожирдир. Нафсим қудрати қўлида бўлган Зотга қасамки, 
қўшнисига зулм қиладиган киши жаннатга кирмайди"
.
1
Ҳадиснинг бош қисмида мўъминнинг ишончли киши эканлиги, ундан бошқаларга ҳам 
моддий, ҳам маънавий зарар этиши гуноҳ эканлиги уқдирилмоқда. Анас ибн Молик 
разийаллоҳу анҳу ривоят қилган юқоридаги ҳадисга биноан ўзимизни тафтиш қилсак, 
иймонимизнинг даражаси маълум бўлади. 
Ҳадиснинг иккинчи қисмида айтилишича, муҳожир фақат ватанини ташлаб, душмандан 
қочган одам эмас, балки ёмонликларини тарк этган кишидир. Чунки инсоннинг яшаш жойи 
ўзгаргани билан ахлоқи, табиати ўзгармайди. Шунинг учун бир жойда яшаб туриб, ёмон 
хулқларни тарк этишлик муҳожирлик билан тенглаштирилмоқда. 
Ҳадиснинг сўнгги қисмида эса Пайғамбаримиз қасам ичиб: “
Нафсим қудрати қўлида 
бўлган Зотга қасамки, қўшнисига зулм қиладиган киши жаннатга кирмайди”
деб 
таъкидлаётирлар. Демак, жаннатга ноил бўлмоқ шартларидан бири қўшнига бирор жиҳатдан 
зарар етказмасликдир. Зарар этказадиган киши эса жаннатга – Аллоҳнинг буюк эҳсонига 
мушарраф бўлмайди. Аллоҳ барчамизни бундай бахтсизликдан асрасин. 
 
-2- 
МОЛ ВА ЖОН ОМОНАТИ 
Расулуллоҳ саллаллоҳу алайҳи васаллам марҳамат қиладиларки, 
“Инсонлар моллари ва 
жонларини ишониб топширадиган киши ҳақиқий мўъминдир. Муҳожир хато ва 
гуноҳлардан йироқ бўлган кишидир”
2
. 
Мўъмин кишида шундай сифат бўлиши керакки, инсонлар унга моллари-ю жонларини 
бемалол ишониб топширсинлар. Зеро, Пайғамбаримиз саллаллоҳу алайҳи васалламни 
"Муҳаммад ал-амин" - "Ишончли, омонатга хиёнат қилмайдиган Муҳаммад" деб аташган. 
Демак, бизларни ҳам атрофдагилар ишончли киши деб билишлари керак экан.