Microsoft Word maktabgacha talim muassasalarida manaviy marifiy ishlar

Erkin Vohidov – el – yurtini chin dildan sevgan, ardoqlagan, nomi dunyoga 
tanilgan o’zbek shoiri, shuning bilan birga u sevimli adib va jamoat arbobi hamdir. 
Uning ijod mahsulining barchasida tiniq samimiyat, qahramonona insoniylik, mehr 
– oqibatlilik, odamiylikning buyukligi tarannum etiladi. Bu fikrlarimiz shunisi bilan 
diqqatga sazovorki, yuqorida qayd etilgan xislat va fazilatlar nafaqat uning 
asarlarida (ijodi namunalarida), balki uning o’zi hayotida ham, hayotining har 
qanday holatlarida ham shunga rioya etish va ularni og’ishmay amalga oshirish 

---

 113
ustuvor maqsad – muddao bo’lgan. Uning ijodi mazmun – mohiyatini Vatanga 
xuddi otaga suyanganday suyanish, xalqqa xuddi onaga talpinganday talpinish, 
yurtning, elning kamolini o’ylash, orzu qilish, uning uchun tinimsiz qayg’urish va 
yurt ma’naviyati, tarixi va an’analaridan doim zavqlarga to’lib yurish, qadim 
mumtoz shoir, donishmand adib ajdodlar kabi komillikka sajda qilish, komillikni 
ko’rgan, unga duch kelganda darhol ilhomga to’lish, hayajonlanish kabilar tashkil 
etilgan bo’lsa, uning o’zini esa haqiqiy inson, barkamol shaxs, katta san’atkor shoir 
sifatida o’z davri, o’z avlodining juda yorqin va peshqadam hamda faol vakili 
sifatida qarashga asos bo’ldi. 
Dunyoning ko’pgina mamlakatlarida Erkin Vohidovni O’zbekistonning 
hayotiy manfaatlarini ko’tarib chiquvchi bosiq, qat’iyatli, salohiyatli parlamentari 
sifatida yaxshi taniydilar. Uning ulkan ijodiyoti, ijtimoiy faoliyati xalq tomonidan 
yurtimizda va ko’pgina xorijiy davlatlarda ham tan olindi. Haqiqatdan ham Erkin 
Vohidov – yuksak mas’uliyatli inson, sermahsul ijodkor, insoniylik bilan 
yo’g’rilgan hayot sohibi, jamoat arbobi. U Vatan, xalq ravnaqi, baxt – saodati 
yo’lida fidokorlik bilan hormay – tolmay faoliyat yuritmoqda. Uning Vatanimizga 
va xalqimizga bo’lgan sadoqatiga Davlatimiz tomonidan doimo e’tibor berilib 
kelindi. U “Buyuk xizmatlari uchun” ordeni sovrindori va 1999 – yil 25 – avgustdan 
buyon “O’zbekiston Qahramoni”dir. 
 Ismatova Mavjuda. 
Mavjuda Ismatovani hamma taniydi. U Toshkentdagi 273 – maktab direktori, 
xalq o’qituvchisi, O’zbekiston Qahramoni, Davralarda so’z berilsa, “Qani, 
qahramon qanday gap aytarkan?” deya o’zgacha taraddud bilan eshitguvchilar ko’p 
bo’ladi. Shunda anglaysan, qahramonlik unvoni faqat rag’batning o’zigina emas, 
balki u katta mas’uliyat, el – yurt oldida balandroq so’zlash zaruriyati hamdir. 
Mavjuda Ismatova oilasini  va ishxonasini muqaddas deb bilgan baxtli ayoldir. 
Qiynalgan vaqtlarda va tushkun damlarda u dastlab turmush o’rtog’i Hamidulla aka 
bilan maslahatlashdi, shuningdek, ko’ngilda yetilgan orzu – o’ylar ham avvalo 
xonadonda muhokama etiladi.  
Demakki, Mavjuda Ismatova har doim ham oilasiga suyanib ish tutdi. Mana 
uning o’z oilasi haqidagi shakllangan fikri: 
“- Men uyimning ostonasidan kirsam bas, oddiy bir ayolga aylanaman. 
- Umr yo’ldoshim uchun lazzatli taom tayyorlash, oilaning jamiki 
yumushlariga bosh bo’lish, qo’ni – qo’shni, qarindosh – urug’, mahalla – ko’y 
yo’qlovlariga vaqt topish, kelinim Nargizaxon, nabiralarim – Burxonilla va 
Bilolxonlar yonida bo’lish hayotimning eng quvonchli lahzalaridandir”. 
Mavjuda opaning hayotdagi shiori quyidagi to’rtlik asosiga qurilgan: