Microsoft Word Jahon tarixi rasmsiz pechat varianti doc

Vifin, Paflagon, Kappadokiya o‘z qo‘shinlari bilan, shuningdek, 
yunon shaharlarining bo‘linmalari ham qo‘shilib, katta kuch 
to‘planadi. Aristonik qo‘shini bo‘lib o‘tgan jangda yengilib, uning o‘zi 
Strantonikeyga qochadi, ammo u yerda asir tushib, Rim 
qamoqxonasida vafot etadi. Geliopolisliklar qo‘zg‘oloni bostirilib, 
Osiyoda quldorlik tuzumi va Rim hukmronligi o‘rnatilgan. Rim 
respublikasi ellin quldorlarining ishonchini oqlab, butun O‘rta yer 
dengizida quldorlik tuzumi tayanchi bo‘lib qoldi.  
Miloddan avvalgi 130 yillarda agrar islohot tufayli yuz bergan 
ijtimoiy kurash (Tiberiy Grakxning siyosiy faoliyati). Miloddan 
avvalgi II asrda Italiyada ijtimoiy tabaqalanish (ayniqsa mayda erkin 
dehqonlar sonining kamayishi va ko‘plab qullarning paydo bo‘lishi) 
Rim nobillarining kelajakni oldindan ko‘ra olgan ba'zi vakillarini 
tashvishga solib, ular Rim respublikasining harbiy qudrati zaiflanishi 

---

 
 
329
va eski urf - odatlar inqirozidan xavfsiraganlar. Qullar va shahar 
kambag‘al ommasining o‘sib borishi bilan birga oddiy fuqarolar 
sonini kamayishi rimlik zodagonlarda xavf tug‘dirgan. Ular o‘z puliga 
harbiy qurol - yarog‘ olishga qurbi yetgan va harbiy xizmat o‘tashga 
majbur erkin qishloq fuqarolarining soni kamayib borayotganligi 
tufayli, legionlarni jangchilar bilan to‘ldirish murakkablashadi deb 
xavotirga tushganlar. 
Miloddan avvalgi 140 yilda Karfagen g‘olibi Stsipion Emilian 
atrofida nobillar va Rimda yashagan yunon zodagonlari vakillaridan 
iborat to‘garak tarkib topgan. Stsipion xotinining ukasi Tiberiy