Microsoft Word Jahon tarixi rasmsiz pechat varianti doc

Attal III o‘limidan so‘ng (miloddan avvalgi 133 yil) marhum o‘z 
vasiyatnomasida shohligini “senat va Rim xalqiga” topshirgan deb 
e'lon qilganlar. Rim senati Pergam shohining merosini qabul etgan va 
shohlikni Rimning Osiyodagi viloyati deb e'lon qilgan. Lekin Pergam 
aholisi mamlakatda Rim hukmronligini istamas edi. Pergam shohining 
so‘nggi avlodi - Aristonik xalq noroziligidan foydalangan. U erkin 
kambag‘allar va qullar harakatiga tayanib, Pergamda hukmronlikni 
qo‘lga olishga urinadi. U rimliklar va ularning tarafdorlariga qarshi 
qo‘zg‘olonga chaqirgan. Aristonik qullikka asoslanmagan davlat 
tuzib, unga “Geliopolis” (Quyosh shahri) deb nom berishni, o‘z 
tarafdorlari Pergam aholisini “geliopolisliklar” deb atashni va'da 
qilgan. Ammo Pergamning o‘zidagi, shuningdek, Efes, Smirna, Milet, 
Kizik kabi yunon shaharlarining boy zodagonlari rimliklarni qo‘llab, 
qo‘zg‘olonga qo‘shilmadi. Qo‘zg‘olonni bostirish uchun konsul 
Publiy Krass boshchiligida qo‘shin yuborilgan. Qo‘zg‘olonchilar bu 
qo‘shinni tor - mor keltirib, Krassni o‘ldiradilar. Ko‘p vaqt o‘tmay, 
yangi Rim qo‘shini tuziladi. Unga ellinlashgan shohliklar - Pontiya,