Microsoft Word Jahon tarixi rasmsiz pechat varianti doc

konsul Rutiliy qattiq janglardan keyin avval Tavromeniyni, so‘ng 
xoinlar yordamida Ennani bosib oladi. Qo‘zg‘olonchilar qo‘shinini 
lashkarboshisi Kleon jangda halok bo‘ladi, shoh Yevn esa asir tushib, 
qiynab o‘ldiriladi. Rim qo‘shinlari butun Sitsiliya bo‘ylab 
qo‘zg‘olonchilarni qon qaqshatdilar. Sitsiliyadagi qo‘zg‘olon 
bostirilmay, Kichik Osiyoda, Pergam shohligida quldorlik tuzumiga 
qarshi yangi ommaviy harakat boshlangan. 
Pergamda Aristonik qo‘zg‘oloni. Rim respublikasi bilan yaqin 
ittifoq bo‘lgan Pergam shohlari miloddan avvalgi II asr davomida 
rimliklarga tobora ko‘proq qaram bo‘la bordilar. Makedoniya, 
Yunoniston va Egey arxipelagida Rim bosqini avj olgan sari ko‘plab 
Rim-Italiya savdogar va sudxo‘rlari Egey havzasi mamlakatlariga 

---

 
 
328
qatnay boshladilar. Ular soliqlar to‘plash va boj olishni garovga olib, 
mahalliy hukmdorlarni mablag‘ bilan ta'minlaganlar, hukmdorlar 
qarzni qaytarmagan taqdirda ularga qarashli yerlik aholini qul qilib 
haydab ketganlar. Kichik Osiyo aholisi yunonlar zulmidan norozi 
bo‘lib, qo‘zg‘olon ko‘targan. Pergam shohligidagi ellinlashgan 
zodagonlar voqyealarning shu tariqa rivojini oldindan bilib, shoh