Microsoft Word Bolalar nevrologiyasi end doc

Vazifasi 
Normada orqa miyaning hususiy segmentar apparati bosh miyaning po‘stlog‘i, 
ya’ni markaziy neyron ta’sirida bo‘ladi. 
Kortiko-muskulyar yo‘lning markaziy neyroni periferik neyronga doimiy 
ravishda ko‘zg‘atuvchi yoki susaytiruvchi ta’sir qiladi.
Periferik neyron orqa miyaning segmentar apparatini qismi bo‘lganligi uchun 
quyidagi vazifalarni bajaradi:
1- reflektor-periferik neyronni aksoni oddiy shartsiz spinal reflektor yoyini 
efferent qismini hosil qiladi.
2. Tonik-periferik neyronning gamma hujayralari kontraktil-normal mushak 
tonusini ushlab turadi.
3. Trofik-periferik neyronning aksonlari tarkibida mushaklarni trofikasini 
saqlab turuvchi simpatik tolalar o‘tadi.
PIRAMIDA TIZIMINI (TUG‘ILGANIDAN KEYINGI) DAVRDAGI 
RIVOJLANISH HUSUSIYATLARI 
Yangi tug‘ilgan chaqaloqning nerv tizimi kattalarnikidan tuzilishi va 
vazifasida yetishmovchiligi borligi bilan farq qiladi. Odamning nerv tizimini 
yetilishi hujayralarining takomillashuvi va o‘tkazuv yo‘llarini miyelin pardasi bilan 
o‘ralishiga bog‘liq. Tug‘ilgan bolaning bosh miya po‘stlog‘i nerv tizimining 
yetilmagan qismidir. Bosh miya po‘stlog‘i o‘sishi organizmni o‘sish davri 
oxirigacha, ya’ni 22-25 yoshgacha davom etadi.
Bolaning 3 yoshga to‘lgunicha miya po‘stlog‘idagi to‘qimalarida eng yuqori 
takomillashuv jarayon ro‘y beradi. 8 yoshli bolada po‘stloq to‘qimalari katta 
yoshdagidan kam farq qiladi va 10-12 yoshga kelib o‘sish to‘xtaydi, ammo 
to‘qimalarning morfo-funksional rivojlanishi 25 yoshgacha davom etadi.
Miyelinlashish holati ham har xil bo‘ladi. Piramida yo‘llarini miyelinlashuvi 
homila davridan boshlanadi, bola tug‘ilgandan keyin tez rivojlanib, 4 yoshgacha 
davom etadi. Yangi tug‘ilgan chaqaloqni harakatlarini boshqaradigan oliy markaz 
pallidumdir. Bolaning yoshligidagi harakat holati uchta asosiy davrga bo‘linadi:
1.
talamo-pallidar davr (tug‘ilgandan to 4-6 oygacha); 
2.
strio-pallidar davr (4 oydan 10-11 oygacha); 
3.
po‘stloq vazifasini yetilish davri–ixtiyoriy harakatning rivojlanishi.