Microsoft Word Bolalar nevrologiyasi end doc

Radikulopatiya. 
Diabetda orqa miya nervlari va orqa ildizchalari 
jarohatlanishi kuzatiladi (asosan orqa miyaning ko‘krak va yuqori bel sohasida). 
Ikki tomonlama jarohatlanishi yoki poliradikulopatiya bo‘lishi mumkin. Kasallik 
o‘tkir yoki o‘tkir osti boshlanadi. Sonda qattiq, kuchli yoki xurujli kamarsimon 
ko‘rinishida og‘riq paydo buladi, tortilish simptomlari musbatligi (asosan 
Vasserman simptomi yaqqol namoyon bo‘ladi), ildizcha turida sezgini buzilishi 
kuzatiladi. 
Diabetik radikulopatiya (diskogendan tashqari) vertebral buzilishlar 
kuzatilmaydi (umurtqani perkussiyasida og‘riq, harakat hajmining chegaralanishi, 
mushaklar taranglashuvi). Og‘riq gorizontal holatda pasaymaydi va kechqurun 
kuchayadi.
Qandli diabetda serebral buzilishlar:
 
jiddiy metabolik buzilishlar (diabetik 
ketoatsitoz, giperosmolyar holat, giperlaktotsidemiya, gipoglikemiya). 
Serebrovaskulyar kasalliklar rivojlanishi spetsifik hisoblanmaydi, qandli diabet 
ularga moyillikni oshiradi.
Bemorlarning gipoglikemik holatlarda 
tezda behollik, bosh og‘rig‘i, 
yurak urishi, issiq yoki sovuqni sezish, hulqning o‘zgarishi ko‘rinishida paydo 
bo‘ladi (notinchlik, psixomotor qo‘zg‘aluvchanlik, deliriy), epileptik tutqanoqlar 
rivojlanishi mumkin, o‘tkir miyada qon aylanishi buzilishi aniq o‘choqli 
simptomatika ko‘rinishida kechadi. Glyukozaning 3 mm kamayganda sopor 
rivojlanadi, 1mm kamaysa koma rivojlanadi.
Giperglikemiyada 
to‘qimaning degidratatsiyasi paydo bo‘ladi. Bular 
osmotik aktiv moddalarni hosil bo‘lishini kompensatsiya qiladi va shu bilan 
osmotik bosimni to‘g‘rilaydi, lekin neyronlar funksiyasiga manfiy ta’sir qiladi. 
Miya faoliyatining yomonlashishi giponatriemiya, qonning ivishining oshishi bilan 
bog‘liq. Ketoatsidotik holat turli psixomatik sindrom, bosh og‘rig‘i, hulqning 
noadekvatligi, xushning komagacha so‘nishi bilan kechadi.