Microsoft Word Bolalar nevrologiyasi end doc

Tarqoq simptomatika bilan kechuvchi serebral vaskulitlar 
– birlamchi 
va ikkilamchi vaskulitlarda uchrab, nevrostatusda bosh miya nervlarining 
innervatsiyasi yetishmovchiligi belgilari (konvergentsiya sustligi, gipalgeziya 
Zelder sohasida, til deviatsiyasi) va Romberg holatida noturg‘unlik, qorin va 
tovon-kaft reflekslarini pasayishi, oral avtomatizm reflekslari paydo bo‘ladi.
Psixopatologik simptomatika bilan kechuvchi serebral vaskulitlar 
– turli 
darajadagi psixopatologik, organik o‘zgarishlar kuzatilib, klinikada – asteniya, 
depressiya va epileptiform sindromlar bo‘ladi.
Gipotalamik sohani zararlanishi bilan kechuvchi serebral vaskulitlar –
neyroendokrin buzilishlar bo‘lib, o‘tib ketuvchi qandsiz diabet, semirish, striyalar 

---

 327
yoki giperglikemiya rivojlanadi. Shuningdek vegetativ tomir paroksizmlari aralash 
tipda kuzatiladi. 
Simpatoadrenal paroksizmalar – 
bosh og‘riq, teri quruq va rangparligi, 
AD oshishi, taxikardiya, giperkinezlar bo‘lib, bu holat 5-10 minut davom etadi, 
xuruj oxirida tez-tez va ko‘p peshob ajralishi kuzatiladi.
Vagoinsulyar paroksizmalar – 
bir necha soatdan sutkagacha davom etib, 
bosh og‘riq, bosh aylanish, yurak sohasida noxush og‘riqlar, qorinda og‘riq, teri 
giperemiyasi, AD pasayishi, bradikardiya ko‘rinishida bo‘ladi.
Aralash vegetativ tomir paroksizmalarida – 
simpatoadrenal va 
vagoinsulyar fazalari ketma-ket keladi, masalan: teri rangparligi giperemiya bilan 
almashinadi. Bu paroksizma uzoq davom etib, narkolepsiya xurujlari, uyqu va 
tetiklik buzilishlari bo‘lishi mumkin.
Qon aylanish yetishmovchiligi bilan kechuvchi serebral vaskulitlar –
subyektiv belgilar bilan paydo bo‘lib, bosh og‘rig‘i, bosh aylanishi, xotira 
pasayishi, quloqda shovqin bo‘lib, keyinchalik bu belgilar aqliy va jismoniy 
zo‘riqishda, obi-havo o‘zgarganda kuchayadi. Bu bemorlarda VSD aniqlanadi.