Microsoft Word Bolalar nevrologiyasi end doc

Sekin progressivlanuvchi ishemik spinal qon aylanishini buzilishi
.
Sekin progressivlanuvchi ishemik spinal qon aylanish o‘zgarishlari 
distsirkulyator miyelopatiya ko‘rinishida bo‘ladi. Distsirkulyator miyelopatiyaning 
1-bosqichida turg‘un subyektiv simptomlar va noaniq ifodalagan orqa miya 
jaroxatlanishini mahalliy simtomlari kuzatiladi.
2-bosqichida noaniq ifodalangan segmentar va o‘tkazuvchi buzilishlar, pay 
reflekslari o‘zgarishlari, patologik belgilar, sezgi buzilishi kuzatiladi. 
Distsirkulyator mielopatiyaning 3-bosqichida harakat buzilishi (periferik, markaziy 
yoki aralash falajlar), sezgi buzilishi (segmentar va o‘tkazuvchi), tos a’zolari 
faoliyatini buzilishi kuzatiladi. 
Differensial tashhis
.
Orqa miyaning infarktini miyelit bilan qiyosiy 
tashhislash lozim. Infarktdan avval ildiz sindromi, o‘tib ketuvchi qon aylanishi 
buzilishi belgilari bo‘ladi. Miyelitdan oldin esa infeksion jarayon bo‘ladi va 

---

 324
nevrologik belgilar sekin rivojlanadi. Infarktning birinchi kunlarida likvorda 
o‘zgarishlar yo‘q, keyin oqsil-hujayra dissotsiatsiya bo‘ladi. Virus etilogiyasi 
natijasida kelib chiqqan miyelitda limfotsitlar bo‘ladi. Infarktning etilogiyasini 
aniqlash ahamiyatga ega. Tarqoq sklerozning spinal shaklida spastik falajlar, so‘ng 
ularga serebral belgilar psixik o‘zgarishi kuzatiladi.
Surunkali miyeloishemiyani ba’zida Shtryumpel paraplenyasi, 
siringomiyeliya bilan qiyosiy taqqoslash kerak. Bu kasalliklar yosh bolalarda 
namoyon bo‘ladi. Siringomiyeliyada dizrafik status kuzatiladi. Shtryumpel 
paraplegiyasida sezgi buzilishlari bo‘lmaydi, tos a’zolarining faoliyati kam 
buziladi, mushak tonusi oshishi falajlardan ustunroq bo‘ladi. Bu kasalliklar sekin 
progressirlanadi va tizimli xarakterga ega.
Distsirkulyator miyeloishemiyani yon amiotrofik skleroz bilan qiyosiy 
taqqoslash kerak. Miyeloishemiya yaxshi sifatli kechadi, atrofiya, sezgi buzilishi, 
fasuklyatsiyalar chegaralangan bo‘ladi va piramida belgilari keskin namoyon 
bo‘lmaydi.