Microsoft Word Bolalar nevrologiyasi end doc

Tashhis va differensial tashhisi.
 
O‘tkir o‘choqli miyelitni kistoz araxnoidit, 
epidurit, orqa miya o‘smasi, tarqoq skleroz kasalliklari bilan qiyosiy tashhis 
o‘tkazish kerak.
Qiyosiy tashhislashda magnit rezonans tomogrammasi (MRT) katta yordam 
beradi. Bu usulni qo‘llashning iloji bo‘lmaganda miyelitni kistoz araxnoiditdan 
orqa miya suyuqligini tekshirib aniqlash mumkin.

---

 241
Kistoz araxnoiditda oqsil-hujayra dissotsiasiyasi va ksantoxromiya bo‘ladi, 
miyelitda esa oqsil oshishi bilan birga pleotsitoz ham kuzatiladi. Miyelitda 
kasallikning o‘tkir kechishi yangi-yangi belgilar paydo bo‘lishi, keyinchalik ular 
regressga uchrashi bilan kechadi. Kasallik araxnoiditda regresga uchramaydi, 
sekin-asta kuchayib boradi.
Miyelitni epiduritdan farqlashda MRT yoki kontrastli KT yordam beradi. 
Epiduritda spondilografiyada osteomiyelit belgilari ko‘rinadi. Suboktsipital 
miyelografiyada esa subaraxnoidal bo‘shliqni to‘liq yoki qisman blokini aniqlash 
mumkin.
Orqa miya suyuqligi tekshirilganda likvor bosimi va oqsillar miqdori 
oshishini topish mumkin. Neytrofil pleositoz yiringli miyelitga, lemfotsit esa 
virusli yoki allergik etiologiyali miyelitga xos.
Orqa miya o‘smalari sekin rivojlanadi, Broun-Sekar sindromi (falaji) 
ko‘rinishida kechadi. Metastazlar paydo bo‘lganda infeksion kasallik belgilari 
bo‘lmaydi.
Tarqoq sklerozning orqa miya shakliga kasallikni sekin-asta rivojlanishi xos, 
ko‘pincha orqa miyaning oq moddasi zararlanadi, sezgi o‘zgarishlari kam 
namoyon bo‘ladi, orqa miya suyuqligi o‘zgarmaydi.
Davolash. 
O‘tkir ko‘ndalang miyelitning davosi uning etiologiyasiga 
bog‘liq. Agar miyelit ma’lum bo‘lgan kasallik fonida asoratlansa, davolash asosiy 
patologiyaga qaratiladi. Bakterial miyelitda antibiotiklar, sulfanilamid preparatlari 
va boshqa antibakterial preparatlar; virusli miyelitda davo choralari virusga qarshi 
preparatlar qo‘llaniladi.
Miyelitning etiologiyasi qanday bo‘lishidan qat’iy nazar desensibilizatsiya-
lovchi va degidratasiyalovchi preparatlar qo‘llanilishi shart.
Kasallikni davolashda parvarish katta ahamiyatga ega, ayniqsa teri (yotoq 
yaralarni) va siydik-tanosil a’zolarining (dezinfitsirlovchi suyuqliklar bilan siydik 
qopini kateterizatsiyasi va yuvish).
Reabilitatsion davo katta ahamiyatga ega (LFK, massaj, fizioterapiya). 
Tiklanish davrida antixolinesteraz preparatlar (prozerin, galantamin), V guruh 
vitaminlari, serebralizin, ATF, piratsetam, nikotin kislotasi; mushak tonusi 
oshganda – miorelaksantlar (midokalm, baklofen, sirdalud).