Microsoft Word ахборот технологиялар фанидан мажмуа doc

Реклама маркетинги – янги мижозларни жалб қилиш ва мавжуд мижозлар билан 
муносабатларни қўллаб-қувватлаш. Янги мижозларни жалб қилишда еCRM-тизимларининг 
роли қуйидаги омилларни аниқлашдан иборат (
www.hyperion.ru/em.htm
материаллари бўйича). 
 ташриф буюрувчиларнинг эътиборини жалб қилиш жиҳатидан web-саҳифалар 
қанчалик самарали ҳисобланади. 
 электрон рекламанинг ҳажми ва жадаллиги савдолар ҳажмида қандай акс этади. 
 реклама кампанияларини ўтказишда қандай алоқа воситалари энг кўп самара беради: 
электрон почта ёки оддий почта. 
 қайси реклама кампаниялари инвестициялар сармоялар қопланишининг энг катта 
коэффициентини беради. 
 у ёки бу турдаги қидирув машиналари учун қайси калит сўзлар энг самаралидир. 
Web-витрина – товарларни мижозга кўриб чиқиши учун тақдим этиш. еCRM-
тизимининг асосий функцияси товарларни тўғри жойлаштирилиши ва web-сайт бўйича қулай 
навигацияни таъминлаш ҳисобланади. Интернет-технологиялар магазин сайтига кирган 
мижозни (унинг компьютерини) аниқлаши мумкин ва шунга мувофиқ, товарнинг витринада 
кўрсатилиши, сайт интерфеси ва бошқаларни кастомизация қилишга имкон беради. Сайтнинг 
бош саҳифасида мижозни исми билан қутлаш, харидорнинг минтақаси ва бу минтақада мавжуд 
товарларни автоматик тарзда аниқлаш, мижозни унга қизиқарлироқ ҳисобланган магазинга 
келиб тушган янги товарлар ҳақида хабардор қилиш мумкин. 
Товар буюртмаси – мижоз танлаган товарга буюртмани расмийлаштириш жараёни. 
Харидор танланган товарни тасдиқлайди, етказиб бериш усули, жойи ва вақти, тўлов усули ва 
бошқаларни аниқлайди. Бу процедураларни соддалаштириш еCRM-тизимининг функцияси 
ҳисобланади. Тизим мижознинг олдинги барча буюртмаларини «эсда сақлаши» ва харидор 
киритиши лозим бўлган ахборотни имкон қадар камайтириши керак. 
Товарни мижозга етказиш – хариднинг якунловчи фурсати. еCRM-тизими мижозга 
унинг буюртмаси шаклланганлиги тўғрисида ахборот тақдим этиши керак. Харидорни бу 
ҳақда электрон почта орқали хабардор қилиш мумкин, бунда компания ходимига тизим 
иловасига бир неча ўзгарувчиларни киритиш керак бўлади.