Microsoft Word ЌТК ва М 1 кичоб. doc

Shug’ullanuvchilarning maydonda joylashishi. Shug’ullanuvchi tomonidan mashqning mustaqil bajarilishi ko’p hollarda uning maydondagi joylashgan o’rniga bog’liq. Shug’ullanuvchilar turgan bir ketma-ket qator (kolonna)ning chap qanoti o’qituvchiga yaqin joylashgan holati mashqlarni o’tkazish uchun qulay bo’lishiga qaramay, har doim ham bunga amal qilish shart emas. Bir ketma-ket qator (kolonna)dagilarni, bo’yidan qat’iy nazar, muntazam o’zgartirib turish va shu orqali guruhdagi hamma shug’ullanuvchilar uchun bir xil sharoitlarni yaratish maqsadga muvofiqdir. Xuddi shu nuqtayi nazardan majmuadagi turli mashqlarni bajarish paytida o’ngga, chapga, aylanib, bir-biriga yuzma-yuz turib, yonma-yon (sherenga) va ketma-ket qator (kolonna)larda burilishlarni bajarish orqali saf yo’nalishini o’zgartirish maqsadga muvofiq.

Mashg’ulotlarni o’tkazishning asosiy usullari. Mashg’ulotning tayyorgarlik qismini o’tkazish sharoitlariga qarab, umumrivojlantiruvchi mashqlar

majmuasi alohida, oqimli va o’tishli usullar bilan o’tkaziladi.
Alohida o’tkazish usuli: tashqi belgisi-alohida mashqlar o’rtasidagi qisqa vaqtli tanaffuslar, shuningdek shug’ullanuvchilarning nisbatan doimiy harakatlanish joyi. Afzalligi - eng samarali va yengil.
Oqimli o’tkazish usuli: tashqi belgisi - mashqlar majmuasi yoki ularning qismlarining uzluksiz bajarilishi.
Afzalliklari - bu mashg’ulot qismining mutlaq motor zichligini ta’minlaydi va shu bilan birga energiya qoplanishining aerob imkoniyatlarini oshiradi.
Bu usul ancha tayyorgarlikka ega bo’lgan shug’ullanuvchilar bilan va ko’pincha mashg’ulotning tayyorgarlik qismi badan qizdirish maqsadiga bo’ysundirilgan hollarda qo’llaniladi.
Hozirgi paytda mashqlarni oqimli usulda o’tkazish xotin-qizlar ritmik gimnastika (aerobika) mashg’ulotlaridan keng qo’llaniladi.
O’tishlar bilan o’tkazish usuli: tashqi belgisi - mashq yurib turganda yoki shug’ullanuvchilarning ko’p harakatlanishlari bilan bajariladi