Mexanika mashinasozlik fakulteti texnologik mashinalar va jihozlar kafedrasi

Quritish kamerasida havoni qoʼshimcha qizdirish. Bu usul bilan quritish jarayonining sxemasi 8-rasmda koʼrsatilgan. Qurituvchi agentni qizdirish uchun quritish kamerasiga qoʼshimcha ravishda isitish yuzasi kiritilgan. Bu jarayonni oʼtkazishni I - x diagrammada tuzib va uni normal quritish jarayoni bilan solishtirsak, havo va issiqlikning solishtirma sarflari ikkala jarayonda ham bir xil ekanligi koʼrinadi. Biroq jarayonni quritish kamerasida, havoni qoʼshimcha qizdirish yoʼli bilan olib borishning afzalligi shundaki, bunda materialni quritishni nisbatan past temperaturalarda olib borish imkoni tugʼiladi. Bu usul yuqori temperaturalarda oʼz sifatini oʼzgartiradigan materiallarni quritish uchun keng ishlatiladi [5, 15,,18].

Havoni quritish kameralarining oraligʼida qizdirish usuli bilan materiallarni quritish.

Havoni quritish kameralarining orasida qizdirish. Bu usulda ishlatiladigan quritkichning sxemasi 9-rasmda koʼrsatilgan. Uchta quritish kameralarining orasiga V va S qoʼshimcha isitkichlar oʼrnatilgan. Havo asosiy isitkich А da qizdirilib, birinchi quritish kamerasiga yuboriladi.

Birinchi kameradan chiqqan havo atmosferaga chiqarilmasdan oraliq isitkich V ga beriladi. Oraliq isitkichda qaytadan qizdirilgan havo (bunda uning nisbiy namligi kamayadi) yana ikkinchi quritish kamerasiga beradi va hakazo. Bu jarayonni oʼtkazishni I-x diagrammada tuzib va uni normal jarayon bilan solishtirsak, ikkala jarayondan ham havo issiqlikning solishtirma sarflari bir xil boʼlishini koʼramiz, faqat normal quritish jarayonini amalga oshirish uchun birmuncha yuqori temperaturalar kerak boʼladi.

[6, 12,,16].