Mexanik harakat haqida

VII BOBGA OID QO‘SHIMCHA MASHQLAR

1. 
   Massasi 1 kg bo‘lgan jism 50 m balandlikdan 20 m balandlikka tushganda og‘irlik kuchi qancha ish bajaradi? Ushbu va keyingi tegishli mashqlarda g = 10 m/s² deb olinsin.
   
2. 
   Bikirligi 10 000 N/m bo‘lgan prujina muvozanat holatdan 8 sm masofaga cho‘zildi. Shu holatda prujinaning potensial energiyasi nimaga teng?
   
3. 
   Prujinani 5 mm cho‘zish uchun 3 kJ ish bajarish kerak. Shu pruji- nani 1,2 sm ga cho‘zish uchun qancha ish bajarish kerak bo‘ladi?
   
4. 
   Massasi 1 kg bo‘lgan jism 180 m balandlikdan erkin tushmoqda. Jism harakatining oltinchi sekund oxiridagi kinetik va potensial ener- giyalari qancha bo‘ladi?
   
5. 
   Shtangachi massasi 180 kg bo‘lgan shtangani 2 m balandlikka dast ko‘targanda qancha ish bajariladi?
   
6. 
   Kran uzunligi 7 m va kesimi 75 sm² bo‘lgan po‘lat g‘o‘lani gorizon- tal vaziyatdan 60 m balandlikka ko‘targanda qancha ish bajarishini toping. Po‘latning zichligi 7,8 · 10³ kg/m³.
   
7. 
   Massasi 250 g bo‘lgan erkin tushayotgan jismning tezligi ma’lum yo‘lda 1 m/s dan 9 m/s gacha ortdi. Shu yo‘lda og‘irlik kuchi bajargan ishni toping.
   
8. 
   Ma’lum tezlik bilan harakatlanayotgan jismning impulsi 10 kg · m/s, kinetik energiyasi 50 J. Jismning tezligi va massasini toping.
   
9. 
   Uzunligi 3 m va massasi 40 kg bo‘lgan ustun yerda yotibdi. Uni vertikal qilib qo‘yish uchun qancha ish bajarish kerak?
   
10. 
    60 m balandlikdan erkin tushayotgan massasi 0,5 kg bo‘lgan jism- ning yer sirtidan 20 m balanddagi potensial va kinetik energiyasini toping.
    
11. 
    Tosh yuqoriga 20 m/s tezlik bilan otildi. Qanday balandlikda tosh- ning kinetik va potensial energiyalari o‘zaro tenglashadi?
    
12. 
    Gorizontal sirtda jism 100 N kuch ta’sirida tekis harakatlanmoqda. Tashqi kuch ta’siri to‘xtaganidan keyin jism 2 m masofaga sirpanib borib to‘xtadi. Ishqalanish kuchining ishini toping.
    
13. 
    Agar bola 0,5 soatda 180 kJ ish bajargan bo‘lsa, uning foydali quvvatini toping.
    
14. 
    Avtomobilga quvvati 250 kW bo‘lgan dvigatel o‘rnatilgan. U 1 so- atda 360 MJ foydali ish bajardi. Avtomobilning FIKni toping.
    

Krossvord

Eniga: 1. O‘lchov birligi.

2. 
   Fizika fanining taraqqiyotiga ulkan hissa qo‘shgan vatandoshlari- mizdan biri.
   
3. 
   Fizika so‘zini fanga kiritgan olim.
   

Bo‘yiga: 1. Fizika bo‘limlaridan biri.

2. 
   Kosmonavtlar transporti.
   
3. 
   Energiya turi.
   
4. 
   Turtki degan ma’noni bildiradigan fizik kattalik.
   

ilova