Mexanik harakat haqida

Tayanch tushunchalar: jism potensial va kinetik energiyalarining aylanishi, to‘liq mexanik energiya, mexanik energiyaning saqlanish qonuni.

1. 
   135-rasmda tasvirlangan jism qo‘yib yuborilgandan 1 s, 2 s va 3 s vaqt o‘tgan- dan keyin qanday balandlikda bo‘lishini keltirib chiqaring va tushuntirib bering.
   
2. 
   125 m balandlikda turgan 200 g massali jism qo‘yib yuborildi. Jism harakatining uchinchi va beshinchi sekund oxirlarida potensial va kinetik energiyalari qancha bo‘ladi? Ushbu va keyingi masalalarda g = 10 m/s² deb olinsin.
   

1. 
   100 g massali jism tik yuqoriga 30 m/s tezlik bilan otildi. 2 s dan keyin uning ki- netik va potensial energiyalari qancha bo‘ladi? Eng yuqori balandlikda jism qanday potensial energiyaga ega bo‘ladi?
   
2. 
   Kopyor to‘qmog‘i 6 m balandlikdan tushib, qoziqni urganda 18 kJ kinetik energi- yaga ega bo‘ladi. Shunday balandlikda to‘qmoqning potensial energiyasi qoziqqa nisbatan qancha bo‘ladi? Kinetik energiyasi-chi? To‘qmoqning massasi qancha?
   
3. 
   Massasi 200 g bo‘lgan jism tik yuqoriga 30 m/s tezlik bilan otildi. Eng yuqori nuqtaga ko‘tarilganda jismning potensial energiyasi qancha bo‘ladi?
   
4. 
   Balandlikdan qo‘yib yuborilgan 500 g massali jismning to‘liq mexanik energiyasi 200 J ga teng. Jism qanday balandlikdan qo‘yib yuborilgan? g = 10 m/s² deb olinsin.
   
5. 
   136-rasmda tasvirlangan jismning massasi 50 g, prujinani 10 sm ga cho‘zib qo‘yib yuborilganda erishgan eng katta tezligi 10 m/s bo‘lsa, yopiq sistemaning to‘liq mexanik energiyasi qancha bo‘ladi? Bunday prujina qanday bikirlikka ega?
   

44-§. JISM KINETIK ENERGIYASINING UNING TEZLIGI VA MASSASIGA BOG‘LIQLIGINI ANIQLASH