Metodika uzbek 2018. indd

Eslatmalar 
(Remember Boxes)
Bular darslik sahifalarining quyi qismida joylashgan bo‘lib, yangi til 
mate rialini o‘zida mujassamlashtirgan. Ular o‘qituvchi va o‘quvchilarning 
dars maqsadini tezda ilg‘ab olishlariga o‘ng‘ay. Yangi til yoki quril-
mani tanishtirishdan oldin yoki keyin o‘qituvchilarga o‘quvchilarning 
e’tiborini eslatmadagi misollarga qaratishi tavsiya etiladi.
Ijodiy ish 
(Project)
Ijodiy ish bu kursning muhim qismidir. U har bir bo‘limdagi yakuniy 
dars bo‘lib, oldingi beshta darsda o‘rganilgan bilimga asoslangan. U 
o‘quvchilarga bu darslarda o‘rganganlarini o‘zi bilmagan holda, erkinroq 
va o‘qituvchi tomonidan kam nazorat qilingan holda o‘zicha qo‘llashga 
imkoniyat yaratadi. Ijodiy ish o‘quvchilarga o‘z bilimi darajasida ishlash-
ga imkon beradi; vazifani bajarish davomida kuchli o‘quvchilar ko‘proq 
va murakkabroq, o‘zlashtirishi qiyin bo‘lgan o‘quvchilar esa, qisqa va 
oddiy ishlarni bajaradi. Ijodiy ish o‘quvchilarga o‘z ishlari, bi limlari va 
yaratuvchanligidan faxrlanishga imkon beradi.

---

8
Shu sababli o‘quvchilar uchun bir-birining ishlarini ko‘rishga sha-
roit yaratish maqsadida sinfxona bo‘ylab ijodiy ish darsi davomida 
yasalgan plakat va chizilgan rasmlarni namoyish qilish juda muhimdir. 
O‘quvchilardan boshqa o‘quvchilarning ishlarini baholash ham so‘ralishi 
mumkin.
Ijodiy ish davomida o‘quvchilar yozish jarayoniga tortiladi. Bunda 
ular mavzu yuzasidan fikrlar, qaydlar yozadilar. So‘ngra ular bu qayd-
lardan tavsiflar, maqolalar, xatlar, hikoya va she’rlar yozishda, plakat-
lar yasashda, dasturlar tuzishda foydalanadilar. Ular rasmlar qirqadilar 
va chizadilar, xarita, grafik tuzadilar, intervyu uyushtiradilar va h.k. 
Shu sababli o‘qituvchida materiallar, qaychilar, chizg‘ichlar, qog‘oz, 
yelim, qog‘oz qiyqimlari va sh.k. solingan quti bo‘lishi foydadan xoli 
emas. O‘qituvchi ijodiy ish bo‘lishidan oldin o‘quvchilardan bu narsa-
larni olib kelishni so‘rashi ham mumkin.
Ijodiy ishlarni har doim bir xil guruhlarda tashkil etish maqsadga 
muvofiq, chunki o‘quvchilar bir-biri bilan muntazam hamkorlikda ish 
olib borishadi. O‘qituvchi uchun ijodiy ish darslari yuzasidan batafsil 
uslubiy tavsiya «O‘qituvchi uchun metodik qo‘llanma»da berildi.
Ijodiy ish davomida tayyorlangan plakatlardan ota-onalarga bola-
la rning ingliz tilini qay darajada o‘zlashtirayotganliklarini ko‘rsatish 
uchun ham foyda lanishingiz mumkin.