Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

4.5.1. MPEG-4-10 (N.264) standartida video kodlash

MPEG-4 da video oqimga ishlov berishda barcha video tekisliklar 4 ta turga (YUV 4:2:0 modeli) bo‘linadi:

I-tekisliklar. Tez kirishni ta’minlash uchun boshqa tekisliklardan mustaqil ravishda kodlanadi. Eng avvalo, 16x16 pikselli makroblokka (I-makrobloklar) bo‘lish amalga oshiriladi, ular yana DKO‘ uchun 4 ta 8x8 li I-blokka bo‘linadi.
P-tekisliklar avval kelgan I- yoki P- tekisliklardagi axborotlardan foydalanib kodlanadi. Ushbu tekisliklar ham 16x16 makrobloklarga maydalandi, faqat ular ichida I-makrobloklar va i-makrobloklar (I - intra, i - inter) bo‘ladi. Inter-makrobloklar harakatni kompensatsiyalash natijasida shakllanadi, bu yerda avvalgi I- yoki P-tekisliklardan joriy inter-makroblokga maksimal mos keluvchi va erkin joylashgan makroblok qidiriladi. Agar u topilsa uning ikki tashkil etuvchilik harakat vektori shakllanadi va oqimga qo'yiladi. So‘ngra joriy va topilgan makroblok/bloklar piksellari bo‘yicha ayirma farqi (bashorat xatosi) hisoblab chiqiladi va unga DKO‘ qo‘llaniladi. Kadr chegarasiga yaqinidagi harakat kompensatsiyasini samaradorligini oshirish uchun, kadrning har tomondan bitta kadr kattaligiga to‘ldirish amaliyoti bajariladi(xudud chegara pikseliga yaqin rang bilan to‘ldiriladi). Shunday qilib, har bir blok uchun 1ta yoki 4 ta harakat vetori qabul qilinishi mumkin, variantlar o‘rtasidagi tanlov esa makroblok qo'shgan xissasining kamligi va uning oqimdagi harakat vektoridan kelib chiqib amalga oshiriladi. Shuningdek, standart harakat kompensatsiyasining maxsus turi - “qoplash” (berkitish) kompensatsiyasini ko‘zda tutadi: u faqat Y komponentali bloklar uchun qo‘llaniladi. Ushbu usulning farqli xususiyati shundaki, ayirma blokning avvalgi I- yoki P-teksiliklarda unga o‘xshash uchta blokning o‘lchovlari superpozitsiyasi bo‘yicha tashkil etilishidadir, ya’ni bitta o‘xshash blok bilan cheklanmaydi. Shunga muvofiq, uchta harakat vektori olinadi: 1 tasi joriy blok uchun va ikkitasi ishlov berilayotgan makroblokda joriy blokga qo'shni bo‘lgan bloklar uchun.