Menejmentda axborot va kommunikatsiya ahamiyati

Menejmentning ijtimoiy samaradorligi.
Menejmentning ijtimoiy samaradorligini miqdoriy bahosida mulkiy taqqoslash tavsifi va alohida xususiy yo`nalishlarga e`tiborlilik xususiyati o`z ifodasini topadi. Boshqaruv apparatini mehnat unumdorligida muhim holat sifatida ishchilarning umumta`lim darajasini va malakasini oshirish, moddiy-maishiy sharoitlarni yaxshilash va boshqalar nazarda tutiladi. Iqtisodiy samaradorlik boshqaruvni takomillashtirishda boshqaruv apparatining mehnat va moddiy xarajatlarini kamaytirish, ijtimoiy-iqtisodiy omillarni qo`llash, ya`ni boshqaruv xodimlarining mehnat faolligini oshirish yoki mehnat qobiliyatlari susayishining oldini oluvchi, xodimlar qo`nimsizligini kamaytiruvchi va ishlovchilarning mehnat sharoitlarini yaxshilovchi tadbirlarni joriy qilish muhim ahamiyat kasb etadi.
Rivojlangan bozor munosabatlari sharoitidaboshqaruvning ijtimoiy yo`nalishi kuchaytiriladi. Bunga boshqaruvni rivojlantirish, moddiy-texnika bazasidan ijtimoiy-madaniy yo`nalishda foydalanish, ishlovchilarning moddiy va maishiy sharoitlarini yaxshilash, ta`lim olish, madaniy hordiq chiqarish, madaniy va ma`naviy vazifalarni chuqurlashtirish kabi masalalar kiritiladi.
Menejer bozor munosabatlarida xo`jalik mexanizmining ijtimoiy, iqtisodiy va rag’batlantiruvchi omillarini, mehnat jamoasi tavsifi, kuch va malaka vositalarini qo`llash va takomillashtirishning sir-asrorlarini to`la o`zlashtirib olsagina, boshqaruv faoliyatining samaradorligi va natijalarini ta`minlash imkoni yaratiladi.
Alohida ishchi bajaradigan ish yoki butun tashkilot faoliyati natijasini quyidagi umumiy formula bilan aniqlash mumkin:
Natija = (Ish + Resurslar) Í E Í K Í M
Bunda: E – tashkilot tuzilishi samaradorligi; K – malaka (kvalifikatsiya);
M – motivatsiya;
«Ish» va «Resurslar» kattaliklari haqiqiy xarajatlar bo`yicha qiymat shaklida o`lchanadi. E, K, M koeffitsentlari ijobiy natija kattaliklarining ko`rib o`tilgan omillardan funktsional bog’liqligini aks ettiradi va ekspert ravishda aniqlanadi.
Menejmentning ijobiy natijasi, bir tomondan, tashkilot tuzilishining samaradorligi bilan, ikkinchi tomondan, unda ishlovchi xodimlarning malakasi va motivlashtirilishi bilan aniqlanadi.