Менежмент фанининг соғЛИҚни сақлашдаги ўрни. Менежмент мактаблари

Кейс маълумотлари манбаи:
Асосий:
1.Маматқулов Б.М.«Жамоат саломатлиги ва соғлиқни сақлашни бошқариш» Тошкент. Ilmziyo, 2013 йил.
2.Мескон М., Альберт М., Хедоури Ф., Основы менеджмента. – М.: Дело, 2002.
3.Рахимова Д.Н. ва бошқалар.«Замонавий менежмент: назария ва амалиёт. Тошкент-2009.
4.Шарифхўжаев М., Абдуллаев Ё. Менежмент. Тошкент, 2001 йил. Қўшимча:
1.Румянцева З.П., Саломатин Н.А. и др. Менеджмент организации. М.: Алянс, 1996.
2.Холбеков А., Жумаев Р., Умаров Н. ва бошқалар. «Бошқарувнинг ижтимоий ва сиёсий йўналишлари» Тошкент, 2008 йил.
4.Питер Ф., Друкер. Практика менеджмента. Москва,Санкт- Петербург,Киев 2002 г.
Интернет сайтлари:
1. http://www.aup.ru/books/i002.htm
2. http://www.alleng.ru/edu/manag3.htm
3. http://management.hse.ru/
4. http://www.management.com.ua/
Технологик хусусиятлардан келиб чиққан ҳолда кейснинг тафсифномаси:

Ушбу кейснинг асосий манбаи кабинетли, лавҳали бўлиб, ҳаётий вазиятлар асосида баён этилган. Кейснинг асосий объекти шахсга йўналтирилгандир. Бу ташкилий институционал кейс бўлиб, маълумотлар, вазиятлар ва саволлар асосида тузилган. Ҳажми ўртача, тизимлаштирилган бўлиб, тренингга мўлжалланган ўқув мавзу бўйича билим ва кўникмалар ҳосил қилишга қаратилган.Дидактик мақсадларга кўра кейс муаммоларни тақдим қилишга, уларни ҳал этишга, таҳлил қилиш ва баҳолашга қаратилган.

КЕЙС: «МЕНЕЖМЕНТ ФАНИНИНГ СОҒЛИҚНИ САҚЛАШДАГИ ЎРНИ. МЕНЕЖМЕНТ МАКТАБЛАРИ»


Кириш. Менежмент - бу кўзланган мақсадга эришиш қобилияти ва маҳорати демакдир. Бошқаришнинг асосий мақсади жамиятнинг моддий - маънавий эҳтиёжларини тўлиқ қондириш мақсадида ижтимоий муносабатларни ва ишлаб чиқариш тизимини такомиллаштириш ҳамда ривожлантиришдан иборат.
Менежмент деганда бошқа одамларнинг ҳатти - ҳаракати, интеллекти меҳнатидан фойдаланган ҳолда олдинга қўйилган мақсадга эриша олиш қобилияти тушунилади.
Менежмент - бу мавжуд хом - ашё, моддий, молиявий ва интелектуал ресурслардан ишлаб чиқаришда унумли фойдаланган ҳолда энг юқори самараларга эришишга қаратилган бошқарув санъатидир.
Менежмент - ўз фаолиятини муваффақиятга эришиши мақсадидаги бошқарув фаолият тури. Менежер бу бошқарув фаолиятини малакали амалга ошираётган одамлар тоифаси - раҳбардир.
Менежмент объекти ва субъекти
Менежмент объекти ҳақида сўз юритганда, энг аввало, объект сўзининг луғавий маъносига эътибор бериш керак бўлади. Шу маънода объект - бу:

• 
  биздан ташқарига ва бизнинг онгимизга боғлиқ; бўлмаган ҳолда мавжуд бўлган борлиқ, воқелик, моддий дунё, мавжудот;
  
• 
  киши фаолияти, диққат-эътибори қаратилган ҳодиса, предмет, шахс;
  
• 
  хўжалик ёки мудофаа аҳамиятига эга бўлган корхона қурилиш, айрим участка ва б.қ.
  

Туман, вилоят, мамлакат тасарруфидаги барча соғлиқни муассасалари ва бошқалар менежментнинг ёки бошқаришнинг объектидир. Соғлиқни сақлаш вазирлиги, вилоят соғлиқни сақлаш бош бошқармаси ва бошқа бошқарув ишини бажарувчи идоралар ва уларнинг раҳбарларини, қолаверса тизимдаги барча соғлиқни сақлаш муассасаларининг раҳбарлари менежментнинг субъекти, ёки менежерлар-бошқарувчилар ҳисобланади. Бошқарувнинг самаррадорлиги бошқарув субъекти ва объектининг ўзаро муносабатлари билан белгиланади. Бошқарувчи (суъект) - мақсадни белгилайди, унга эришиш йўлларини аниқлайди. Объект-ким ёки нима субъект фаолиятининг предмети ҳисобланади. Шу билан бир вақтда маълум олинган тиббиёт муассасалари доирасида бош врач-бошқарув субъекти бўлса, ишлаб чиқариш фаолияти ва ресурслари-объекти ҳисобланади.