Меҳнат муҳофазаси. Техника ҳавфсизлиги ва санитария гигиена қоидалари

Тобланган балиқли таомлар.
Балиқлар ҳам димлаб ёки қовуриб тоблаб пиширилади. Хом балиқни оқ сардак остида, димланган балиқни сутли сардак остида, қовурилгани сметанали ва томатли қўзиқорин сардаклари остида тоблаб пиширилади. Ёғ сурилган товада 1 дан 6 порциягача балиқ тобланади. Узатишда уни ликопчаларга солиб, балиқ тоблаб пиширишда ҳосил бўлган сардак қўйилади: балиқли газаклар 1 порцияли товаларда, рақовиначаларда тайёрланади. «Рўба по-русски» таомини тайёрлаш учун пўстли суяксиз лахм порциясига 1-2 бўлакдан майдаланади, ёғ сурилган товага хом кўринишида терилади, четларида қайнатилган сомонча картошка жойлаштирилиб, оқ сардак қўйилади. Тухумли балиқ олдиндан тайёр бўлгунча қовуриб тоблаб пиширилади; товага балиқ бўлаклари, қайнатилган картошка, қовурилган пиёз солинади, тухум қўйиб чиқилади, тухумга туз солиб аралаштирилади ва тобланади. Осетр оиласига мансуб балиқлар Москвача тоблаб пиширилади. Бунинг учун товага озроқ сметана сардаги солинади, унга қовурилган балиқ бўлаклари солиб атрофига айлана шаклда қовурилган картошка терилади, балиққа қовурилган пиёз қўзиқорин бўлаклари ва қайнатилган тухум терилади ва сметана сардаги қўйилади. Помидорли тобланган балиқларни ҳамма турдаги қовурилган балиқдан тайёрланади. Помидорлар пўстидан тозаланади, 2 бўлакка бўлинади, уруғлари тозаланади, тузланади, қалампир сепилади ва ўсимлик мойида қовурилади. Товага ёки идишга балиқ бўлаги қўйилади, устидан помидорлар терилиб эстрагонли томат сардаги қўйилади. Рақовиначаларда осетр оиласига мансуб ёки судак балиқлари тобланади. Шу рақовиначаларда улар иссиқ газакдек узатилади. Балиқ лахм гўшти бўлакларга (20 гр атрофида) бўлинади, димланади, димланган қўзиқорин билан қўшиб, буғланган сардак қўйилади, ёғланган рақовиначага устун қилиб терилади ва сутли сардак қўйилади. Балиқли солянка одатда ёғли балиқдан товада пиширилади. Суяксиз гўштли лахм бўлакларга (30 гр атрофида) бўлинади ва димлаб пиширилади. Юпқа кесилган тузли бодринг, майдаланган пиёз ва томат пюрели қайла алоҳида тайёрланади ва у соф шўрвада қиздирилади. Тайёрланган товага бир қатламдан димланган карам, сабзавотли қайла, балиқ ва осетр туридаги балиқнинг қайнатилган юпқа умуртқа поғонаси солинади, устидан димланган карам қавати билан ёпилади. Тайёр бўлган балиққа қирғичланган пишлоқ, сариёғ сепилади ва 15 – 30 минут давомида 250-280 0С ҳароратда тоблаб пиширилади. Тоблаб пиширилган балиқ тайёр бўлганини таом юқори қатлами олтин ранг тусга киргач ва ички туқима матолари 800С ҳароратга эришилгани билан аниқланади. Узатишда солянка, лимон бўлаклари, тузланган сабзавотлар, кўкат барглари билан безатилади. Москвача тоблаб пиширилган ва балиқли солянка рус ошхонасининг миллий таоми бўлиб ҳисобланади.