Меҳнат муҳофазаси. Техника ҳавфсизлиги ва санитария гигиена қоидалари

С

олянка.

Солянкалар балиқли, гўштли, қўзиқоринли, соф шўрваларда тайёрланади. Рецептурага кўрсатилган барча маҳсулотлар ( гўшт, парранда, балиқ, сосиска ) қайнатма қуруқ шўрваларда қайнатилади. Бу гуруҳ шўрваларни пиширишда тузланган бодринг, каперслар, лимон ва бошкалар солинади. Шунинг учун улар аччиқ ўзига хос таъми билан фарқланади. Гўштли солянка тайёрлаш учун бош пиёз майин тўғралади ва саригёғда қиздирилади. Томат пюреси алоҳида қиздирилади. Пўсти ва уруғидан тозаланган бодринг ювилади ва ўзунчоқ тўғралади. Тайёрланган бодринг 15 минут ичида қайнатма қуруқ шўрвада пиширилади. Қайнатилган гўшт маҳсулотлари (мол гўшти, бўзоқ гўшти, чўчқа ёғи, сосиска, ошқозон) юпқа қилиб майдаланади. Қайнаётган шўрвага қиздирилган пиёз ва томат пюреси, пиширилган тузли бодринг, гўштли маҳсулотлар тўплами, оливка, дориворлар солинади ва 5-10 минут қайнатилади. Узатишда сметана, тўғралган кўкат ва лимон бўлаги қўшилади. Тайёрланган маҳсулотлардан солянка тайёрлашнинг қисқа вақтлиги бу шўрваларни буюртмадаги таомлардек узатишга рухсат беради. Балиқли солянка пиширишда осетр туридаги балиқлар олдиндан тозаланиб, қайнатилган ҳолда соф шўрвага порцияли бўлакларга бўлиб солинади. Тогайлари алоҳида тайёр бўлгунча солинади. Пўстли суяксиз лахмларга бўлинган суяк скелетли балиқлар бир порция учун 1-2 бўлаққа бўлинади ва шўрвада пиширилади. Сабзавотли шўрвалар. Бу гуруҳ шўрвалари турли хил турдаги қайлалар билан ажралиб туради. Шўрва таркибига қовурилган сабзавот ва картошкадан ташқари ҳар хил сабзавотлар: рангли карам, оқ бош, брюссель, савой, колраби карамлари, қовоқ, шолғом, кўк пиёз ва порей пиёз, сельдерей, нўхат, ловия, қовоқча, бойимжон, бодринг ва помидор, салат, шпинат, спаржалар киради. Шўрвалар гўшт-суякли, бундан ташқари қўзиқорин ва сабзавотли қайнатма қуруқ шўрваларда тайёрланади. Шўрва тайёрлашда сабзавотлар кесилиш шаклига мослигини ҳисобга олган ҳолда ҳар хил куб, сомонча, тўртбурчак, шашкалар шаклида кесилади. Сабзавотлар асосан маргаринда қовурилади. Сабзавотли шўрва намунаси сифатида дехконча шўрва хизмат қилади. Уни тайёрлаш учун оқ баргли карам шашка шаклида, картошка катта куб шаклида, шолғом ўзунчоқ, сабзи, сельдерей кўкат бош пиёз эса юпқа ҳалка шаклида тўғралади. Қайнаётган гўштли қайнатма қуруқ шўрвага карам солиниб қайнатилади ва картошка, сўнг ўсимлик ёғи ёки чўчқа ёғида қовурилган сабзавотлар, дориворлар солинади. Масалликлар солинган шўрва 15-20 минут пиширилади. Тайёр бўлишга 5-10 минут қолганда тўғралган тоза ўзилган помидор солинади. Узатишда шўрвага сметана солиб тортилади. Сабзавотли шўрвалар билан бирга сабзили, карамли, гурунчли, гўштли бўғирсоқ ҳам бериш мумкин.