Меҳнат жамоасининг умумий йиғилишида маъқулланган 2018 йил “ ”

МАДАНИЙ-МАЪРИФИЙ, ЖИСМОНИЙ ТАРБИЯ-СОҒЛОМЛАШТИРИШ, СПОРТ ИШЛАРИ

1. 
   Иш берувчи молиявий аҳволидан келиб чиққан ҳолда бизнес-режада кўзда тутилган миқдордаги маблағни маданий-маърифий, жисмоний тарбия-соғломлаштириш ишлари учун, дам олиш уйларида ва соғлиқни тиклаш санаторияларида ҳамда тиббиёт муассасаларида банкда ишлаётган ходимларнинг даволаниш харажатларини тўлаш, юбилей саналари ва туғилган кунлар билан қутлаш, Янги йил, 14-январь, 8-март, “Наврўз”, 1-июнь “Халқаро болаларни ҳимоялаш куни”, 1-сентябрь Мустақиллик байрами, 1-октябрь “Мураббийлар куни” ва бошка корпоратив тадбирларни ўтказиш мақсадида ҳар чоракда меҳнатга ҳақ тўлаш фонди (МХТФ) дан 2 (икки) фоиз миқдоригача мақсадли маблағни Касаба уюшмаси қўмитаси ҳисоб рақамига ўтказиб бериши мумкин.
   

10.2. Маданий-маърифий ишларни яхшилаш учун тарафлар қуйидагиларни ўз зиммаларига оладилар:

а) “Маънавият ва маърифат” хонасини ташкил этиб, уни Ўзбекистон касаба уюшмалари Федерацияси Кенгаши ҳамда Республика Маънавият ва тарғибот маркази тавсиялари асосида жиҳозлаб, Ўзбекистон Республикаси биринчи Президенти И.Каримов асарлари, Мустақиллик йилларида чоп этмаган замонавий адабиётлар ҳамда плакатлар, стендлар ва техник воситалар билан таъминлаш;
б) таниқли фан, адабиёт ва санъат арбоблари, адабиётшуносларни жалб этган ҳолда ҳар хил мавзудаги мазмунли ҳамда қизиқарли учрашувларни ташкил этиш;
в) ходимнинг бўш вақтларини сермазмун ўтказиш мақсадида республиканинг қадимий шаҳарларига саёҳатлар уюштириш.

10.3. Ходимлар ўртасида соғлом турмуш тарзини тарғибот қилиш мақсадида тарафлар қуйидагиларни ўз зиммаларига оладилар:

а) жисмоний тарбия ва спорт билан шуғулланиш учун ходимларга шароитлар яратиб бериш;
б) ходимлар ва уларнинг фарзандларини оммавий спортга, турли спорт секциялари, тўгаракларга жалб этиш ҳамда улар ўртасида спартакиадалар ва спорт турлари бўйича мусобақаларни уюштириш;
в) бугунги кунда амалга оширилаётган давлат сиёсатининг устувор йўналишлари, кенг кўламдаги ислоҳотларнинг моҳияти, қабул қилинган қонун ҳужжатлари ва давлат дастурларининг аҳамиятини ходимларга атрофлича тушунтириш мақсадида бир ойда камида бир маротаба “Маънавият соатлари”ни ўтказиб бориш.

8.