Ámeliy sabaq materialları

Tapsırma: Berilgen tekstti oqıń.
Sport hám salamatlıq.
Islam demalısta Nókiske dayısınıń úyine qıdırıp bardı. Dayısı gúres boyınsha sport ustası. Islamdı ózi menen birge sport kompleksine alıp bardı. Ol jerde hár túrli sport túrleri menen
shuģıllanıp atırģan balalardı kórip júdá qızıqtı. Dayısınıń alģan medalların taģıp kórdi hám oģan háwes yetti. Usı saparınan keyin Islamnıń sportqa degen qızıģıwshılıģı oyanıp, awılına kelip sport dógeregine aģza boldı. Keleshekte chempion bolmaqshı. Onıń chempion bolıw niyetin ámelge asırıw usshın elimizde kóplegen imkaniyatlar jaratılıp atır. Solardıń biri “Náwqıran áwlad” sport oyınları.
2008-jılı 17- 20-may kúnleri paytaxtımız Nókiste «Náwqıran áwlad-2008» sport oyınları bolıp ótti. Paytaxt xalqı, náwqıran jaslar bul kúnlerdi úlken kóterińki ruwxta ótkizdi. Bul oyınlarda sporttıń 12 túrinen jarıslar boldı. Respublikamızdıń jas sportshıları, atap aytqanda Islam da komandalıq esapta birinshi orındı iyeledi. Olar «Náwqıran áwlad- 2008» sport oyınlarınıń chempionı dep tabılıp, altın medaldı jeńip aldı. Sportshılarımızdıń bul jeńisi hámmemizge sheksiz quwanısh baģıshladı. Islam keleshekte belgili sportshı bolıp, elimizdi dúnyanıń tanıwına óz úlesin qosıwģa ant etti.
Qadaģalaw ushın sorawlar
Frazeologiyalıq sóz dizbegi degenimiz ne?
Erkin sóz dizbeginen turaqlı sóz dizbeginiń ayırmashılıģı?
Turaqlı sóz dizbekleriniń sóz shaqaplarına qatnası?
Frazeologiyalıq dizbeklerdiń ózine tán ózgeshelikleri nelerden ibarat?
Ádebiyatlar
Айназарова Г.. Қарақалпақ тилиндеги теңлес еки компонентли фразеологизмлерю Нөкис, 2005.
Бердимуратов Е. Ҳәзирги қарақалпақ тили. Лексикология. Нөкис, 1994
Ещбаев Ж.. Қарақалпақ тилиниң қысқаша фразеологиялық сөзлиги. Нөкис, 1985.
Пахратдинов Қ., Бекниязов Қ.. Қарақалпақ тилиндеги фразеологизмлер. Нөкис, «Билим», 2012.
8-tema. Qaraqalpaq tilindegi sózliklerdiń túrleri


Joba:
Lingvistikalıq emes sózlikler.
Lingvistikalıq sózlikler.