Mehmonxonalarda kasbiy etika” fani bo’yicha o’quv-uslubiy majmua Ma`ruza mashg`ulotlari 1-mavzu. «Mehmonxonalarda kasbiy etika»

Fanining maqsadi va vazifalari

Fanning o‘qilishidan maqsad–mehmonxona sohasi jadal rivojlanayotgan sharoitda xodimlarning kasbiy etikasini shakllantirish orqali mehmonxona xizmatlari sifatini oishirishdan iboratdir.

Fanning vazifasi – etiket va kasbiy etikaning mohiyati va ob’ektiv zarurati, xalqaro ishbilarmonlik etiketi, ishbilarmonlik etiketi qoidalari va uning mehmonxona sohasi xodimlari uchun ahamiyati kabilar to‘g‘risida talabalarda tasavvur hosil qilishdir.


Fan bo‘yicha talabalarning bilim, ko‘nikma va malakalariga qo‘yiladigan talablar

“Mehmonxonalarda kasbiy etika” fani bo‘yicha bakalavr:

• 
  ijobiy taassurot qoldirish yo‘llari; ishbilarmonlar imijiga salbiy ta’sir qiluvchi omillar; mehmonxona sohasi ishbilarmonlik etiketida urf-odat qoidalaridan samarali foydalanish; mehmonxona sohasi ishbilarmonlar faoliyatining o‘ziga xos xususiyatlari; telefonda gaplashish odob-axloq me’yorlari; chet mamlakatlik hamkorlarga telefon qilish qoidalari; elektron yozishmalar qoidalari; kompyuter aloqalaridagi odob va o‘zaro munosabatlar qoidalari; vizit kartochkalari, sovg‘alar va ularni topshirish qoidalari; vizit kartochkalari turlari; xizmat vizit kartochkalari, ularning mo‘ljallanishi va ulardagi yozuvlar; vizit kartochkalarini topshirishga, olishga qo‘yiladigan etik talablar; sovg‘alarni tanlash, topshirish qoidalari; mexmonxona biznesida mehmondo‘stlik; ziyofat stoli atrofida mehmonlarning o‘tirishiga, gaplashishiga qo‘yilgan qoidalar; xalkaro kasbiy etika; turli mamlakatlardagi kasbiy etika haqida tasavvurga ega bo‘lishi kerak;
  
• 
  Osiyo davlatlari, Evropa davlatlari, AQSH ishbilarmonlik etiketi xususiyatlarini; “Mehmonxonalarda kasbiy etika” fanining maqsadi va vazifalari; etiket va ishbilarmonlik etiketi tushunchalarining mohiyati; ishbilarmonlik etiketi qoidalari va ularning mehmonxona sohasi ishbilarmonlari uchun ahamiyati; ishbilarmonlar imiji; tashqi qiyofani shakllantirishda kiyimning ahamiyati; ishbilarmonlar tashqi qiyofasi va unga qo‘yiladigan talablar; ishbilarmonlar ish kiyimlarini tanlash; ayol va erkak ishbilarmonlar kosmetikasi, aksessuarlari va ularga qo‘yiladigan etik talablar; tantanali vaziyatlarda kiyiladigan ishbilarmonlik kiyimlari; mehmonxona sohasi va unga qo‘yiladigan etik talablar; munosabat qilishga qo‘yiladigan talablarini bilishi va ulardan foydalana olishi;
  
• 
  hamkorlar bilan o‘tkaziladigan suhbatga tayyorlanish uni rejalashtirish va stollarni suhbatga tayyorlash; suhbatga kelish va yaxshi taassurot qoldirish yo‘llarini; faoliyatdagi o‘zaro munosabatda tabassum, xushmuomalalik, sabr-toqatlilik, kamtarlik va boshqa insoniy fazilatlarning ishbilarmon uchun ahamiyati; mehmonxona sohasi ishbilarmonlari tashqi ko‘rinishi, kiyimlari va ularning imijni shakllantirishdagi ahamiyati; hamkorlar bilan o‘tkaziladigan suhbatga tayyorlanish uni rejalashtirish va stollarni suhbatga tayyorlash; xizmat yuzasidan xatlar yozish va elektron vositalar orqali aloqa qilish etiketi; xizmat yuzasidan yoziladigan rasmiy xatlarni yozish bo‘yicha ko‘nikmalarga ega bo‘lishi kerak.