Mazmun I kirisiw bap

Birinshi basqısh: Oqıwshılarda ulıwma miynetke unamlı qatnasta bolıwda, eń tiykarǵısı fizikalıq miynetke sonday qatnasta bolıwı jumısshı degen attı hu`rmettlewi qolınan keletuǵın óz miyneti menen dógeregindegi kásiplerge quwanısh baǵıshlawǵa hám bunnan rawajlanıwǵa umtılıwı qáliplesedi. Bul tártiptegi jumıslar aldın ala du`zilgen joba tiykarında alıp barıladı. Bul jobaǵa muwapıq sayaxat shólkemlestiriw eń massalıq kásipler tuwrasında awıllıq mekteplerdiń oqıwshıları ushın jámát xojalıqlarında qala mektepleriniń oqıwshıları ushın kárxanalarda, ata-analardıń jumısları hám olardıń miynette erisken tabısları tuwrasında gu`rrińlesiwleri shólkemlestiriw názerde tutıladı. Bul tuwrasındaǵı jumıslar du`zilgen oqıw islep shıǵarıw kombinatına awıllıq óner-texnika bilgen ornına, kárxanalarǵa jamaat –xojalıǵına yamasa ońlaw ustaxanasına h.t.b. orınlarǵa ekuskurtsiya shólkemlestiriw mu`mkin. Bul ekskurtsiyalar waqtında islep shıǵarıwǵa qatnasıp atırǵan adamlardıń miynetine miynet qurallarına itibar beriledi.Jámiyet hám ayrım adamlar turmısında miynettiń áhmiyeti tu`sindirilip ótiledi.

Ekinshi basqısh: Bul basqıshta tálim-tárbiya protsessinde oqıwshılarda biliwge bolǵan qızıǵıw ádette kásipke bolǵan qızıǵıwdan aldın qáliplesedi. Sonlıqtan bul basqıshta kásipke baǵdarlaw tarawında alıp barılıp atırǵan jumısta, jumıstıń tu`rlerin (texnika menen jumıs islew, miynet ob`ektleri hám sol sıyaklılar menen islew). Biliwge bolǵan qızıǵıwdı oyatıw u`lken áhmiyetke iye. Kásipke baǵdarlawdıń usı basqıshında texnika hám miynetke sáykes klasstan tısqarı sabaqlar viktorinalar u`lken rol oynaydı. Bul basqıshlarda oqıwshılarda sotsiallıq maqsetlerdiń qáliplesiwleri dawam etedi. Sonıń menen birge kásipke baǵdarlaw iske asadı.

U`shinshi basqısh: Klasslardıń oqıwshıları menen bul basqıshta oqıwshılar óz ku`shlerin miynette tekserip kóredi, oqıwshılarda kásipke bolǵan qızıǵıwları hám iykemlilik ózgeshelikleri jánede qáliplesedi. Oqıwshılar bul basqıshta óz kásiplilik niyetleriniń bir qansha ulıwma kásipler boyınsha ámeliy kásipke hám uqıplılıqlar menen bekkemleydi. Bul basqısh anıq bir kásipti tańlaw onı ózlestiriw jolların belgilew menen tamamlanadı. Oqıwshılardıń tu`rli qızıǵıwları (predmetler, pán texnika, islep shıǵarıw texnika h.t.b.) boyınsha dógereklerde islewi usı basqıshta dıqqatqa alınadı.