Mazmun I kirisiw bap

Jumıstıń aktuallıǵı Respublikamızda bilimlendiriw reformaların basqıshpa basqısh ámelge asırıp atırǵan házirgi dáwirde «Bilimlendiriw haqqında» ǵı nızam hám “ kadrlar tayarlaw milliy baǵdarlaması ” talaplarınan hám reformanıń bas maqsetinen kelip shıqqan halda, kásip ónerge baǵdarlaw tarawında payda bolǵan ilimiy juwmaqlar hám kórsetpeler sonday – aq ulıwma orta bilim beriw oqıwshıların kásip ónerge baǵdarlaw usılların jańalaw zárúrligi kelip shıǵadı.

Ulıwma bilim beriw oqıw orınlarında oqıwshılardı kásip ónerdi sanalı túrde durıs tańlawǵa kómeklesiw máselesi bilimlendiriw tarawında mámleketlik sıyasattıń áhmiyetli baǵdarınıń birine aylanbaqta.

Ata – babalarımız bala tárbiyasında miynetke úyretiw kásip ónerge qızıqtırıwǵa ayrıqsha itibar bergen, Perzentleriniń qábilyetine qarap tárbiya berip, shańaraqta óz balalarınıń qaysı kásip iyesi bolıwlarına anıq itibar beriwleri zárúr.

Tán alıwımız kerek, búgingi kúnde oqıwshı jaslardı kásip ánerge baǵdarlaw jumısları anıq mashqalalıǵı menen qalmaqta. Oqıwshı jaslardı kásip ónerge baǵdarlaw jumısların ilimiy pedagogikalıq úyreniw ilim izertlew jumısların alıp barıwshı orınlarınıń tiykarǵı maqsetine aylanıwı keshiktirip bolmaytuǵın wazıypa bolmaqta.

Úzliksiz bilimlendiriw sistemasındaǵı tiyisli texnologiyalardıń házirgi dáwirlerde oqıwshılardı hár túrli kásip ónerge baǵdarlawda metodikalar mazmunı, sáykes bolmastan qalmaqta. Sonıń ushın oqıwshılardı kásip ónerge baǵdarlaw ushın tez ıqsham, qolaylı bilim psixalogıyaları zárúr bolıp qalıwı ilimiy izertlew jumısınıń aktuwallıǵı bolıp tabıladı.