Мазкур ўқув услубий мажмуа фаннинг ишчи ўқув дастури ва ишчи ўқув режасига мувофиқ ишлаб чиқилди

Фаннинг ишлаб чиқаришдаги ўрни.
«Электроника ва схемалар» фани радиотехника; телеведения, радио алоқа ва телеэшиттиришлар, телекоммуникация, мобил алоқа соҳаларидаги қурилмаларини ўрганиш учун мўлжалланган умумкасбий ва ихтисослик фанларининг асосий пойдевори бўлганлиги учун ишлаб чиқаришдаги ўрни айнан шу йўналишларнинг ўқув режасидаги махсус фанларнинг ўринлари орқали аниқланади.


Фанни ўқитишда замонавий ахборот ва педагогик технологиялар.
«Электроника ва схемалар2» фанини ўзлаштиришдан мақсад занжирлар ва интеграл схемалардаги кўзга кўринмас ва нисбатан қисқа муддатли жараёнларни ўрганиш эканлигини эътиборга олсак, талабаларнинг ушбу фанни чуқур ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш мухим ахамиятли эканлигига иқрор бўламиз. Фанни ўзлаштиришда дарсликлар, ўқув ва услубий қўлланмалар, маъруза матнлари, тарқатма материаллар, анимацион клиплар, электрон дарсликлар, стендлар ва «Elektronic Wоrbench» ва «Multisim» дастури ёрдамида виртуал лабораториялардан хамда «Ехcеl», «MathCad» дастурлари ёрдамидаги хисоблаш усулларидан фойдаланилади.


" Электроника ва схемалар" курсини лойихалаштиришда қуйидаги асосий концептуал ёндошувлардан фойдаланилади:


Шахсга йўналтирилган таълим. Бу таълим мазмун мохиятига кўра таълим жараёнининг барча иштирокчиларини тўлақонли ривожланишларини кўзда тутади. Бу эса таълимни лойихалаштирилаётганда, албатта, маълум бир таълим олувчининг шахси эмас, аввало, келгусидаги мутахассислик фаолияти билан боғлиқ; ўқиш мақсадларидан келиб чиққан холда ёндошилишни назарда тутади.
Тизимли ёндошув. Таълим технологияси тизимнинг барча белгиларини ўзида мужассам етмоғи лозим: жараённинг мантиқийлиги, унинг барча буғинларини ўзаро боғланганлиги, яхлитлиги.
Фаолиятга йўналтирилган ёндошув. Шахснинг жараёнли сифатларини шакллантиришга, таълим олувчининг фаолиятни активлаштириш ва интенсивлаштириш, ўқув жараёнида унинг барча қобилияти ва имкониятлари, ташаббускорлигини очишга йўналтирилган таълимни ифодалайди.