Maxsus ta’lim vazirligi qarshi muhandislik-iqtisodiyot insti­tuti

Ishning maqsadi. Meva va sabzavotlarning saqlash rejimini nazorat qiluvchi asboblardan foydalanishni o‘rganish.
Topshiriq. Uslubiy ko‘rsatmalar, plakatlar va nazorat asboblari yordamida ularning tuzilishini va ishlash tartibini o‘rganish. Asboblarning uyum, handak va omborxonalarga joylashtirish sxemalarini tuzish. Asman va Avgust psixrometrlaridan foydalanib, ichki va atmosfera havosining nisbiy namligini aniqlash.
Kerakli qurilmalar va materiallar. Saqlash rejimini nazorat qiluvchi asboblar, ular uchun uslubiy ko‘rsatmalar, psixrometrik jadval va distillangan suv.
Ishni bajarish uslubi. Meva va sabzavotlarni saqlash rejimining asosiy ko‘rsatkichi – harorat va havoning nisbiy namligidir. Aktiv shamollatiladigan omborxonalarda yuqoridagilardan tashqari, magistral kanallardagi hamda shtabellarga uzatilayotgan havoning tezligi; MGM li omborxonalarda — uglerod (II)-oksidi va kislorod miqdori ham hisobga olinadi.
Uyum va xandaklardagi harorat faqat sabzavotlarning uyumidan aniqlanadi, omborxonalarda esa mahsulot uyumlaridagi, yo‘laklardagi va shamollatish magistral kanallaridagi harorat aniqlanadi. Aktiv shamollatishning maqsadga muvofiqligi haqidagi savolni hal etish uchun atmosfera havosining harorati aniqlanadi. Agar u omborxonadagi haroratdan yuqori bo‘lsa, mahsulotlarni sovutish kerak, lekin shamollatmaslik kerak. Agar u omborxonadagi haroratdan past bo‘lsa, teskarisini qilish kerak. Atmosfera havosining haroratini aniqlash uyum, xandak yoki omborxonalardagi harorat o‘zgarishining ma‘lum bir sabablari haqida fikr yuritishga imkon beradi.
Saqlash rejimini kuzatish butun bir saqlash davomida amalga oshiriladi. Kuzda harorat har kuni, ba‘zan kuniga ikki marta (ertalab va kechqurun), qishda – haftasiga bir ikki marta aniqlanadi. Kuzatish natijasida olingan ma‘lumotlar maxsus jurnalga qayd qilinadi.
6-jadval
Uyum va handaklardagi haroratni nazorat qilish jurnali
Uyum (handak) №