Mavzu: Yangi mahsulotni ishlab chiqish strategiyalari

2-chizma. Raqobatchining tahlil sxemasi.
Tahlil ikki yo’nalish bo’yicha amalga oshiriladi :

• 
  raqobatchini harakatlantiruvchi kuchlar aniqlanadi;
  
• 
  raqobatchining nima qilayotgani va nima qila olishi aniqlanadi.
  

Raqobatchini harakatlantiruvchi kuchlarni o’rganish, uni faoliyatining ikki jihatiga yo’naltiriladi:

• 
  raqobatchini boshqaruvning barcha darajalari uchun belgilangan kelajakdagi maqsadlari;
  
• 
  raqobatchining o’ziga va tarmoqqa oid mo’ljal (reja)lari;
  

Raqobatchining nima qilayotgani va nima qila olishini o’rganishda ham tahlil ikki yo’nalish bo’yicha amalga oshiriladi:

• 
  raqobatchining joriy strategiyasi, ya’ni uning qanday amalga oshirilayotgani;
  
• 
  kuchli va bo’sh tomonlari nuqtai nazaridan raqobatchining imkoniyatlari.
  

Sanab o’tilgan yo’nalishlar bo’yicha tahlil natijasi raqobatchining kelajakda amalga oshirilayotgan tadbirlar prognozi - raqobat xatti –harakatilari profilini tuzish bilan yakun topadi.
Raqobatchining kelajakdagi rejalarini aniqlab olish korxonaga uning faoliyatiga oid qator jihatlarni anglab olish imkonini beradi. Xususan, raqobatchi ishlarining joriy holatidan qay darajada qoniqishni, u tomondan amalga oshirilayotgan joriy tadbirlarni qanchalik jiddiy qabul qilish kerakligini, u o’z strategiyasini qay darajada o’zgartirmoqchiligini, raqobatchilar xatti-harakatlari o’zgargan taqdirda u o’zgarishlar qilishga qay darajada moyilligini, u qay bir yo’nalish bo’yicha raqobatni kuchaytirishi yoki susaytirishini aniqlash mumkin.
M. Porter tomonidan raqobatchining kelajakdagi maqsadlari tahliliga yondashuv quyidagilarni nazarda tutadi:

• 
  moliyaviy maqsadlar;
  
• 
  tavakkalchilikka moyillik darajasi;
  
• 
  tashkilotda mavjud qadriyat va me’yorlar;
  
• 
  nazorat va rag’batlantirish tizimlari;
  

• 
  buxgalteriya hisoboti tizimi;
  
• 
  rahbarlar, ayniqsa yuqori darajadagi rahbarlar turlari;
  
• 
  korxonaning istiqboldagi rivojlanishi haqida shakllangan qarashlar;
  
• 
  direktorlar kengashi tartibi;
  
• 
  alternativ xatti-harakatlarni cheklab qo’yishi mumkin bo’lgan shartnomaviy majburiyatlar;
  
• 
  davlat tomonidan boshqaruv cheklovlari.