Mavzu: Xalq pedagogikasini rivojlanishida allomalarning qo’shgan hissalari. Reja: O’zbek xalq pedagogikasining O’rta Osiyo ijtimoiy hayotiga bog’liq holda shakllanishi va rivojlanishi. Qadimgi davrda Xalq pedagogikasining rivojlanish

Temuriylar hukmronligi davrida O’rta Osiyo halqlari jumladan, O’zbek xalqi bilan Eron, Arabiston, Turkiya, Xindiston, Xitoy xalqlari o’rtasida madaniy, adabiy aloqalar rivoj topganini, Rudakiy, Firdavsiy, F. Attor, J. Rumiy, Haqqoniy, A. Jomiy, Nizomiy, X. Dehlaviy, Sheroziy, Fuzuliy, Xo’jandiy va boshqa sharqning buyuk allomalarining ijodiy aloqalari misolida ravshan ko’rish mumkin. Navoiy bilan Jomiy o’rtasidagi do’stlik va ijodiy hamkorlik ham bunga yorqin dalildir. O’zbek xalqi bilan O’rta Osiyoda yashagan boshqa xalqlar o’rtasida do’stona aloqa bo’lganini ular yaratgan og’zaki ijod namunalarida ko’rish mumkin. Masalan, ular yaratgan dostonlar, qahramonlar nomining o’xshashligi o’zbek, uyg’ur, qozoq, tojik, qirg’iz, turkman halqlariga «Kun», «Oy» so’zlari bilan bir qatorda ishlatilgan nomlar ham buning yorqin dalilidir. O’zbek xalq dostonlaridan «Oysuluv» dagi Oysuluv va uning o’g’li Kunbotir, «Kuntug’mish» dagi Kuntug’mish, «Yusuf va Ahmad» dostonidagi Kunxon va Oyxon qahramonlari nomiga qo‗shib aytiladigan «Oy» qo’shimchasi, «Alpomish» dagi Barchinoy, Qirg’iz halq dostoni «g’arib Oshiqdagi»dagi Oysanam, «Qirqqiz» dagi Oysuluv obrazlarida ham mavjud.