Мавзу: Валюта рискини бошқаришда замонавий ахборот технологияларидан фойдаланиш

18
2-боб. Ўзбекистон Республикаси тижорат банкларида валюта рискини бошқаришнинг замонавий ҳолати
2.1. Тижорат банклари валюта операциялари ва уларнинг риск даражаси
Узбекистон Республикаси тижорат банклари томоидан амалга оширилаётган валюта операцияларининг 90 фоиздан ортиқ қисми жорий валюта операцияларига тўғри келади.
Узбекистон Республикасининг "Валютани тартибга солиш тўғрисида" ги қонунига мувофиқ, жорий валюта операцияларига куйидагилар киради:
*ташқи савдо, бошқа жорий фаолият олиб борилиши, шу жумладан хизматлар кўрсатилиши муносабати билан, шунингдек одатдаги қисқа муддатли банк ва кредит механизмлари ишлаши муносабати билан тўланиши зарур барча тўловлар;
*фоизлар ва бошқа даромадлар кўринишида, шу жумладан банк омонатлари, кредитлар ҳамда лизинг бўйича олинадиган фоизлар ва бошка даромадлар шаклида, шунингдек бошка инвестициялардан олинадиган соф даромад шаклида тўланиши зарур тўловлар;
*кредитларни, карзларни узиш учун ёки тўғридан-тўғри инвестициялар амортизацияси учун мақбул суммаларни тўлаш;
Савдо билан боғлиқ бўлмаган пул жўнатмалари:
*иш ҳақи, стипендиялар, пенсиялар, алиментлар тўлаш;
*ходимларни Узбекистон Республикасидан ташкарига хизмат сафарига юбориш билан боғлиқ харажатларни тўлаш;
*таълим ва даволаниш учун ҳақ тўлаш;
*Узбекистон Республикасининг хорижий давлатлардаги дипломатия ва бошка ваколатхоналари, шунингдек Узбекистон Республикасининг давлатлараро ёки ҳукуматлараро ташкилотлар хузуридаги доимий ваколатхоналари таъминоти учун ҳақ тўлаш;
*нотариал ва тергов ҳаракатлари билан боғлиқ тўловлар, шунингдек бундай ҳаракатларни амалга ошириш ва ишларни судларда кўриш муносабати билан давлат божи тўлаш;
*суд, арбитражнинг қарорлари асосида пул маблағлари тўлаш;
*халқаро конференцияларда, спорт ва маданий тадбирларда, кўргазмалар ва ярмаркаларда иштирок этганлик учун тўловлар;
*дафн қилиш билан боғлиқ тўловлар;
*муаллифлик ҳақини тўлаш, патент божларини тўлаш; *халқаро нотижорат ташкилотларига бадаллар.