Mavzu: tarbiya jarayonining qonuniyati va prinsplari. Tarbiya metodlari va vazifalari

Tarbiya qoidalari tavsifi

Tarbiya qoidasi - pedagog ta’lim va tarbiya jarayonini yaxshiroq

tashkil etish maqsadida foydalanadigan boshlang‘ich holat, rahbarlik asosidir. Tarbiya qoidalari o‘qituvchi, tarbiyachilarga yo‘l-yo‘riq ko‘rsatuvchi qoidalar bo‘lib hisoblanadi, yangi kishini shakllantirish vazifalari bilan belgilanadi. Tarbiya qoidalari Sharq va Markaziy Osiyo faylasuf-donishmandlarining fikrlari va milliy pedagogic erishgan yutuqlarga asoslanadi. Tarbiya qoidalari mustaqil xarakterga

ega bo‘lib, u tarbiyaning o ‘ziga xos xususiyatlarini va qonuniyatlarini aks ettiradi. Tarbiyaviy jarayonda bu tamoyillarga rioya qilish uning samarasini oshiradi, yaxshi natijalarga olib keladi.Tarbiyaning mazmuni, tashkil etilishi, metodlari va ularga qo‘yiladigan talablar shu qoidalarda o‘z ifodasini topadi. Tarbiyaning mohiyati, mazmuni, qoidalari mamlakatimizda yangicha iqtisodiy munosabat sharoitlarining o ‘zgarganligi sababli kengayib bormoqda.

Tarbiyaviy jarayonni yaxshilash, uni davr talabiga javob

beradigan holga keltirish uchun deyarli barcha qoidalarni, metodlami, g‘oyalarni qaytadan ko‘rib chiqishimiz, bola shaxsiga e ’tiborni qaratishimiz, yillar davomida to‘plangan ijobiy tajribadan unumli foydalanishimiz zarur.

Tarbiya qoidalariga quyidagilarni kiritishimiz mumkin: Tarbiyaning ma’lum maqsadga qaratilganligi, tarbiyaning insonparvarlik va demokratiya, hayot bilan, mehnat bilan bog'liqligi, tarbiyada ilmiy madaniy va umuminsoniy qadriyatlarning ustuvorligi, tarbiyada o ‘quvchilarning yosh va shaxsiy xususiyatlarini hisobga olish, izchillik, tizimlilik, tarbiyaviy ta’sirlarning birligi va uzluksizligi qoidalari va boshqalar.