Mavzu: Tabiiy sabzavot konservalarini tayyorlash Reja: Kirish Asosiy qism

5-rasm. Konservalangan pomidor

4. 
   Konservalangan patissonlar
   

Konservalangan patissonlar. Germetik tarada konservalash uchun faqat o‘lchami kichik, eti mayin va shirin bo‘lgan barra patissonlar olinadi.
Xom ashyo yuviladi, rang va o‘lchamlari bo‘yicha navlanadi, dumi olinadi, diametri 7-12 sm bo‘lgan yirik patissonlar bo‘laklarga bo‘linadi. Patissonni konservalashning keyingi bosqichlari bording konservalashga o‘xshash.
Boshqa turdagi sabzavotlarni konservalashga tayyorlash quyidagi tartibda amalga oshiriladi.

6-rasm. Marinadlangan patisson
Tomat. Tomat yuviladi, inspeksiyalanadi, dumlari olinadi va chayiladi. Yirik tomat ikkiga bo‘linadi.
Sabzi. Sabzi yuviladi, inspeksiyalanadi, po‘stlog‘i va bargi olinadi, yumshatish uchun 2-4 daqiqa davomida suv yoki bug‘da blanshirlanadi va sovuq suvda sovutiladi. So‘ngra sabzi aylana, plastinka, yulduzcha kubik shaklida kesiladi.
Lavlagi. Lavlagi yuviladi, inspeksiyalanadi, barg qoldiqlaridan tozalanadi va po‘slog‘ini olishni osonlashtirish uchun blanshirlanadi. Blanshirlash bug‘ yordamida berk shparitel (digester)-da 110-120⁰C-da 10-15 daqiqa davomida amalga oshiriladi. Blanshirlangan lavlagining po‘stlog‘i olinadi. Mayda lavlagi butunligicha, yiriklari esa plastinka yoki kubik shaklida kesilgan holda marinadlanadi.

7-rasm. Marinadlashga mos patisson navlari
Qo‘zoqli loviya. Loviya quyidagi tartibda tayyorlanadi. Qo‘zoqning uchlari kesiladi, yirik dukkaklilar 25-30 mm uzunlikdagi bo‘laklarga kesiladi, 2-4 daqiqa davomida qaynayotgan suvda blanshirlanadi va sovutiladi.
Qo‘zoqli chuchuk qalampir. Qalampir yuviladi, urug‘doni olinadi, urug‘lari to‘kib olinadi, uzunligi bo‘yicha ikki bo‘lakka bo‘linadi, 0,5-1,0 daqiqa suvda blanshirlanadi va sovutiladi.
Xryen. Xrenning ildizi inspeksiyalanadi, 1-2 soat sovuq suvda ivitiladi, po‘stlog‘i olinadi, uchlari kesilgach yuviladi va volchokda maydalanadi.
Portulak. Portulak salat sabzavotlar oilasiga kiradi. Uning tarkibida erkin shovul kislotasi mavjud va kislotaliligi baland. Xom ashyoning yog‘och bo‘lgan shoxlati olinadi, yuviladi, blanshirlanadi va suvda sovutiladi.
Sarimsoq. Sarimsoq butunligicha yoki donalanib va po‘stlog‘i tozalanib marinadlanishi mumkin. U 2 soat 50-70⁰C temperaturali suvda ivitiladi, yuzasidagi yopg‘ich barglarining (po‘stlog‘i), qurigan qismlari olinadi va yuviladi.
Kabachok. Kabachokning dumi olinadi va yuviladi. Uzunligi 110 mm-gacha bo‘lgan sabzavot butunligicha konservalanadi, yiriklari esa 15-25 mm uzunlikda aylana qilib kesiladi va konservalanadi.
Baqlajon. Baqlajonning dumi olinadi, yuviladi, 12-15 mm qalinlikdagi dumaloq bo‘laklarga kesiladi, tuzlanadi, o‘simlik moyida qovuriladi va sovutiladi. Qovurgandagi ko‘rinar kamayish foizi 15-20-ni tashkil etadi.
Qovoq. Qovoqning po‘stlog‘i va urug‘i olinadi, kubik shaklda maydalanadi va 3-4 daqiqa davomida qaynoq suvda blanshirlanadi.
Yangi sabzavot bilan birgalikda marinadlash uchun avvaldan tuzlangan sabzavot ham ishlatiladi, bular: tuzlangan bodring, tomat, rangli karam, qo‘zoqli chuchuk qalampir, piyoz. Tuzlangan sabzavot 8-24 soat davomida sovuq oqar suvda tuz miqdori 1-3%-ga tushguncha ushlanadi. Tuzning sabzavotda qolgan qismi quyma marinad retseptida hisobga olinadi.
Dastlabki ishlov berilgan sabzavot sig‘imi 3 l-gacha bo‘lgan shisha yoki tunuka bankalarga joylashtiriladi va ustidan marinad quyiladi.
Bankalar germetik berkitiladi va 90-110^OC temperaturada sterillanadi, so‘ngra sovutiladi.

5.