Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Tanglay suyagi gorizontal va perpendikulyar plastinkalardan tuzilgan.
Gorizontal plastinka - lamina horisontalis qattiq tanglayning uchdan bir qismini tashkil etadi. Unda havo kovagi - sinus palatinus, tanglay, burun yuzalari va burun tarog‘i - crista nasalis farqlanadi. Tanglay suyagining oldingi va yon tomonlarida yuqorigi jag‘ uchun choklar bo‘ladi.
Tanglay suyagining perpendikulyar plastinkasi - lamina perpendicularis ning tekis medial va chokli yon yuzalari bo‘ladi; lateral yuzasi qanotsimon va yuqorigi jag‘ suyagi bilan birgalikda qanotsimon tanglay chuqurchasi - fossa sphenopalatina ni hosil qiladi.
Unda 3 ta teshik joylashadi: ko‘z osti kanaliga boruvchi yuqorigi jag‘ teshigi - foramen maxillare, burun bo‘shlig‘iga kiruvchi qanotsimon tanglay teshigi - foramen sphenopalatinum, tanglay kanaliga boruvchi - orqa tanglay teshigi - foramen palatinum aborale.
Qanotsimon suyakka tanglay suyagining qanotsimon o‘simtasi - processus pteryqoideus tegib turadi. Bu erda qanotsimon muskul birikadi. Tanglay kanali - canalispalatines faqatgina tanglay suyagidan hosil bo‘ladi.
Hayvonlardagi farq qiluvchi xususiyatlari. Otda - gorizontal plastinkasi qisqa; burun tarog‘i kichik, perpendikulyar plastinkasida ponasimon-tanglay kovagiga o‘tuvchi tanglay kovagi bo‘ladi; tanglay kanali tanglay va yuqorigi jag‘ suyaklaridan hosil bo‘lgan; ponasimon tanglay teshigi yumaloq bo‘ladi. Cho‘chqada - gorizontal plastinkasi uchburchak shaklda, burun tarog‘i yaxshi rivojlangan, qanotsimon o‘simtasi katta bo‘ladi. Itda - gorizontal plastinkasi katta bo‘lib, tanglay kanalida bir necha teshiklar bo‘ladi, perpendikulyar plastinka ko‘z yoshi suyagi bilan qo‘shilishadi, havo kovagi bo‘lmaydi.
Qanotsimon suyak - os pterygoideum. Juft suyak bo‘lib, qoramolda tanglay, ponasimon suyak va dimog‘ bilan chegaralanadi. Oldingi uchi ilgak - hamulus hosil qiladi. U xoana teshigini hosil qilishda ishtirok etadi.