Mavzu: strategiyani amalga oshirish: kompetentlik, qayta tashkil etish va struktura

Strategik biznes birliklar. Keng diversifikatsiyalashgan kompaniyalarda markazlashmagan xo‘jalik birliklari soni haddan tashqari oshib ketadi. Bunda o‘zaro yaqin bog‘liqliklarga ega kompaniyalarni boshqarish vakolatini katta menejerga yoki yetakchi mutaxassisga berish mumkin. Bu hol yana bir boshqarish pog‘onasini keltirib chiqarsa ham, turli yo‘nalishga ega biznes birliklarini tezkor boshqarish imkonini beradi.
Strategik biznes birlik (SBB) – bu bir kompaniya tarkibida paydo bo‘lgan korxonalar bo‘lib, ular ma’lum strategik unsurlar asosida birlashtirilgan. Ular umumiy xususiyatga ega bo‘lganligi uchun bir guruhga jamlanadi. Ushbu unsurlar tarkibiga keskin to‘qnashadigan raqobatchilar, chambarchas bog‘langan faoliyat turlari va narxni belgilovchi maqsadlar, muayyan ustunliklarga tayanib ish ko‘rish (kam xarajatlar yoki differensiyalash), muvaffaqiyatning umumiy tayanch omillari va boshqalar kiradi.

Strategik ustunlik

Strategik kamchiliklar

Keng diversifikatsiyalashgan kompaniyalarning biznes portfelini strategik asoslash orqali tashkil etishni ta’minlaydi. SBB doirasida o‘zaro bog‘liq operatsiyalarni muvofiqlashtirishni osonlashtiradi. Kompaniyaning muayyan boshqaruv pog‘onalarida strategik rejalashtirish imkonini beradi Oliy rahbariyatning strategik tahlil etishini samaraliligini va ob’ektivligini ta’minlaydi Kompaniyaning resurslarini o‘sish kelajagi mavjud bo‘lgan sohalarga yo‘naltirish imkonini beradi.

SBB tarkibiga korxonalarni birlashtirish shunchalik erkin bo‘lishi mumkinki, u natijada faqat rahbariyat maqsadiga xizmat qiladi Boshqarish pog‘onasining yana bittaga ko‘payishiga sabab bo‘ladi Bosh rahbarning, vitse prezidentning va SBBga xizmat qiladigan boshqa rahbarlarning rolini va boshqarish vakolatini aniq belgilash lozim, aks holda vitse prezidentlarning vakolatlari noaniq. Faoliyat natijalarini tan olinishi, kimning yutug‘i ekanligi noaniq bo‘lib qoladi. Yutuq sababchisi bosh rahbar, SBB rahbari va oxirgi navbatda guruh rahbari vitse prezident deb qabul qilinishi mumkin.

Rasm 9.5. SBBga asoslangan tashkiliy struktura.