Мавзу: сонининг ҳосил бўлиши билан таништириш ва ичида санашга ўргатиш

Мавзу: 5 сонининг ҳосил бўлиши билан таништириш ва 5 ичида санашга ўргатиш
Мақсад:

• 
  Болаларга 5 гача санашни ўргатиш.
  

Кутилаётган натижалар:

• 
  Болалар 5 сонининг ҳосил бўлишини ва бармоқлар ёрдамида 5 гача санашни билиб оладилар.
  
• 
  Болалар мустақил фикрлашга ва ҳар бир ишга ижодий ёндашишга ўрганадилар.
  
• 
  Болаларда математикага қизиқиш кучаяди.
  

Керакли жиҳозлар:

• 
  Саноқ чўплари.
  
• 
  Майда доира шакллари.
  
• 
  Сариқ ва оқ қоғоз.
  
• 
  Рангли қаламлар.
  
• 
  16-расм (ҳар бир болага).
  

Фаолиятнинг бориши:
Тарбиячи: Болажонлар мен сизларга қизиқ бир воқеани айтиб бераман. Беҳзод деган бир бола бор экан. Бир куни уларнинг уйига меҳмон келибди. Онаси Беҳзодга нонвойхонадан 4 та нон олиб кел, деб пул берибди. Беҳзод нонвойхонага борса, нонвой амаки иш билан банд экан.
- “4 та нонни ўзинг санаб олақол”, - дебди. Беҳзод 4 та нон олиш ўрнига 3 та нон олиб уйига борибди. Онаси хафа бўлибди. Беҳзод жуда уялибди. Чунки у санашни билмас эканда. Болалар, санашни билмаслик яхши экан-ми? Шунинг учун санашни ўрганишингиз зарур экан-а.
Болажонлар, нечта бирдан 3 сони ҳосил бўлади? Тўғри, 3 та бирдан 3 сони ҳосил бўлади. Энди 4 сонини ҳосил қилиш учун 4 та 1 дан фойдаланамиз. Болалар, саноқ чўплардан 1 та олиб олдингизда турган сариқ қоғознинг устига қўйинглар. Яна битта олиб ёнидан қўямиз. Болалар, саноқ чўплар нечта бўлди. Тўғри, 2 та бўлди. Яна битта олиб, 2 та чўпнинг ёнидан қўямиз. Болалар, саноқ чўплар нечта бўлди. Баракалла, 3 та бўлди. Яна битта олиб, 3 та чўпнинг ёнига қўямиз. Энди саноқ чўплар нечта бўлди. Тўғри, 4 та бўлди, 4 та 1 дан 4 сони ҳосил бўлади. Агар биз 4 та саноқ чўпга яна битта чўп қўшсак, улар 5 та бўлади. Болалар, 5 сони 5 та бир сонидан ҳосил қилинади-1, 1, 1, 1, 1. Мана бу сон –5.

5

Тарбиячи карточкани болаларга кўринадиган жойга илиб қўяди.