Mavzu: Prezident Shavkat Mirziyoyev asarlari, Farmon va Qarorlarida jamiyat taraqqiyotini yangi bosqichga ko‘tarish g‘oyasining ishlab chiqilishi. Reja

Bu uchrashuvlardan dastlabki xulosalar nima? Tinglovchilar tushinib etishlari kerakki,avvalo, odamlar ongida mudrab yotgan tafakkur uyg‘onmoqda, tadbirkorlik va bunyodkorlik ishtiyoqi yanada kuchaymoqda. Ular o‘z fikr-mulohazalari, o‘ylari, dardu –tashvishlari, orzu – armonlari hatto Prezident darajasida muhim va ahamiyatli ekanligini anglab etmoqdalar. Hammamiz anglab etdikki, endi bir idorada rahbar bo‘lishning mohiyat-maqsadi masalalarni qog‘ozda hal etish yoki faqat raqamlardan iborat hisobotlar to‘ldirish emas, balki hayotning mavjud achchiq haqiqatlariga yuzma –yuz kelib, real voqeylikning shiddatli to‘lqinida yonib –kuyib ishlash ekanini barcha to‘la tushinib olishi kerak. Mamlakatimizda demokratik islohotlarni yanada chuqurlashtirish va fuqarolik jamiyatini shakllantirish bo‘yicha muhim ishlar amalga oshirilmoqda. Ayniqsa, 2017 yilning yurtimizda ”Xalq bilan muloqot va inson manfaatlari yili” deb e’lon qilinishi bu boradagi salmoqli qadam bo‘ldi. Xalq bilan muloqot qilish, uning turmush sharoitlari bilan tanishish hamda mavjud muammolar echimini topishda amaliy yordam ko‘rsatish, bir so‘z bilan aytganda, xalqning hayotdan rozi bo‘lib yashashiga erishish hamisha ustuvor vazifaga aylandi.

Haqiqatda ham rahbar, avvalo xalq bilan muloqot qilsa, odamlarning qalbiga yo‘l topib, ularning dardu-tashvishlari, orzu-niyatlari, hayotiy muammo va ehtiyojlarini bilsa, jamiyatda adolat muhiti qaror topadi. Bu borada mamlakatimizda ko‘zga ko‘rinarli yangiliklar yuzaga keldi.

O‘zbekiston Respublikasi Prezidenti Shavkat Mirziyoyevning 2016 yil 28 dekabrda imzolagan “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida”gi Farmoni davlat va xalq o‘rtasidagi mustahkam ko‘prik vazifasini bajaruvchi “Xalq qabulxonalari” ishini tashkil etish va yanada takomillashtirishga keng imkoniyatlar ochib berdi. Muhtaram Prezidentimiz Shavkat Mirziyoyevning “Xalq qabulxonalari” tashkil etish haqidagi tashabbusi bu borada olib borilayotgan ishlarni yangi bosqichga ko‘tardi. “Xalq qabulxonalari” xalq bilan davlat o‘rtasidagi haqiqiy ko‘prikka aylandi.

O‘zbekiston Respublikasi Prezidentining Xalq qabulxonalari viloyatlar, Toshkent shahrida, shuningdek har bir tuman va shaharda tashkil etilishi hamda O‘zbekiston Respublikasi Prezidentining virtual qabulxonasi faoliyat ko‘rsatishi “Xalq davlat idoralariga emas, davlat idoralari xalqimizga xizmat qilishi kerak” – degan tamoyillarining amalda qaror topganini ko‘rsatib berdi.

Xalq qabulxonalari xalqimizga quyidagi imkoniyatlarni yaratib berdi:

• 
  Mavjud kamchilik va muammolarni dalil ko‘tarib chiqish;
  
• 
  Fuqarolarning o‘z muammolarini bildirishgina emas, balki muammolarning echimi haqidagi turli taklif va fikr-mulohazalar bildirish;
  
• 
  Xalq bilan to‘g‘ridan-to‘g‘ri muloqot o‘rnatish;
  
• 
  Jismoniy va yuridik shaxslarning huquq va erkinliklari hamda qonuniy manfaatlarini to‘la qonli himoya qilishga erishish;
  
• 
  Jismoniy va yuridik shaxslar murojaatlari bilan ishlashning sifat jihatidan yangi va samarali tizimi faoliyatini ta’minlash;
  
• 
  Fuqarolardan tushgan murojaatlarni O‘zbekiston Respublikasi Konstitutsiyasiga qat’iy amal qilgan holda tezkor, to‘liq, xolis va o‘z vaqtida ko‘rib chiqilishini ta’minlash hamda echimini topish;
  
• 
  Fuqarolarning to‘g‘ridan-to‘g‘ri murojaat qila olish imkoniyatlari o‘z navbtida mahalliy davlat organlari, mansabdor shaxslarning ortiqcha qog‘ozbozliksiz, diqqat bilan yondashgan holda quyida hal etilishini ta’minlaydi;
  
• 
  Xalq fuqarolardan tushgan murojaatlarning davlat organlari tomonidan ko‘rib chiqilishi va echimini topilishi ustidan tizimli monitoring va nazoratni amalga oshirishga erishiladi.. Bunda O‘zbekiston Respublikasi Prezidenti devoni tarkibiy tuzilmasida jismoniy va yuridik shaslarning murojaatlari bilan ishlashni nazorat qilish va muvofiqlashtirish xizmatining hissasi katta bo‘ladi;
  
• 
  Fuqarolarning Xalq qabulxonalariga har qanday murojaatini paysalga solmay, o‘z vaqtida ko‘rib chiqishning qat’iy nazoratga olinishi, murojaatlarni ko‘rib chiqishda qonunbuzarliklarga yo‘l qo‘ymaslik, davlat organlari va xo‘jalik boshqaruvi organlarining murojaatlar bilan ishlash borasidagi faoliyatini, shu jumladan joylarga sayyor chiqishlarni tashkil etish hamda kelib tushayotgan murojaatlar bo‘yicha tezkorlik bilan tegishli chora-tadbirlar ko‘rish orqali nazorat qilish yo‘lga qo‘yildi.
  

Shular orqali Xalq qabulxonasiga tushgan murojaatlar bilan ishlash yanada takomillashtiriladi, fuqarolar bilan ochiq muloqotlar kengaytiriladi, aholining davlat organlariga bo‘lgan ishonchini mustahkamlashga doir chora-tadbirlar ishlab chiqiladi va amalga oshiriladi.

Barcha darajadagi Xalq qabulxonalari xodimlari O‘zbekiston Respublikasi Prezidenti devonining xodimlari hisoblanishi ham mamlakatimizda Xalq qabulxonalarining davlat va xalq o‘rtasidagi mustahkam ko‘prik sifatidagi ahamiyatini ko‘rsatib turibdi.

Haqiqatda ham Xalq qabulxonalari xalqning davlatga ishonchini oshirmoqda. Mansabdor shaxslarning mas’uliyati qay darajada ekanligini ko‘rsatib bermoqda va endilikda turli bo‘g‘indagi rahbarlarning o‘z ishiga zamon talablari asosida yondashishini talab etmoqda.

Yurtboshimiz Shavkat Mirziyoyev mamlakkatimizda amalga oshirilayotgan islohotlar va yangiliklar mazmun-mohiyatiga atroflicha to‘xtalib, yurtimizda xalqimiz uchun munosib hayot darajasi va sifatini ta’minlash, xalqimizning hayotdan rozi bo‘lib yashashiga erishishini muhim vazifa qilib qo‘ymoqdalar: “Jadal va barqaror rivojlanishiga qaratilgan bu siyosat bundan keyin ham so‘zsiz davom ettiriladi” ,-deya ta’kidladi Prezidentimiz. “Tanqidiy tahlil, qat’iy tartib-intizom va shaxsiy javobgarlik har bir rahbarning –bu Bosh vazir yoki uning o‘rinbosari bo‘ladimi, hukumat a’zosimi yoki hududlar hokimi bo‘ladimi, ular faoliyatining kundalik qoidasi bo‘lib qolishi kerak”.⁶

Har bir rahbar, davlat va xo‘jalik boshqaruv organlari rahbarlari fuqarolarning murojaatlari, talab va ehtiyojlari mazmun-mohiyatini to‘liq anglab etsa va ularni bajarish bo‘yicha tezkor faoliyat ko‘rsatish amaliyotiga ega bo‘lsa, bu boraddagi o‘z faoliyatini tanqidiy tahlil qila olsa, qat’iy tartib-intizom hamda shaxsiy javobgarlikni yuragidan o‘tkazib ishlasa xalqning davlat va hayotdan roziligini ta’minlash mumkin.

Xalq qabulxonalari esa xalq ichiga kirib borish, xalq bilan muloqot qilish va inson manfaatlarini to‘la ta’minlashda xalqning davlat idoralariga ishonchini oshirishda mustahkam omil bo‘lib xizmat qilaveradi.

2019 yil fevral oyidan boshlab Xalq qabulxonalari muammolarni uyma uy –yurish orqali aniqlaydi va hal qiladi, davlat organlarining aholi bilan bevosita ishlashini nazarda tutuvchi yangi tizim joriy qilindi . Ko‘rinib turibdiki, O‘zbekiston Respublikasi Prezidenti Shavkat Mirziyoyev mamlakatimizda demokratik islohotlarni izchil davom ettirishning haqiqiy tashabbuskoriga aylandi.
2017 yilning 7 fevrali Vatanimiz tarixining eng muhim sahifalaridan biri bo‘lib qoldi. Bu kun-O‘zbekiston Respublikasi Prezidentining “2017-2021 yillarda O‘zbekiston Respublikasining rivojlantirishning beshta ustuvor yo‘nalishlari bo‘yicha Harakatlar Strategiyasi to‘g‘risida”gi Farmoni qabul qilindi.

“2017-2021 yillarda O‘zbekiston Respublikasining rivojlantirishning beshta ustuvor yo‘nalishlari bo‘yicha Harakatlar Strategiyasi “ ishlab chiqilgandan so‘ng umumxalq muhokamasiga qo‘yildi. Turli axborot maydonlarida joylashtirildi 1310 tadan ortiq taklif va mulohaza tushdi va ular strategiyaning 41ta bandiga o‘zgartirish kiritishga asos bo‘ldi.

2017 yilda 23-27 yanvar kunlari Toshkent shahrida media-harftalik va xalqaro davra suhbati o‘tkazildi va unda 1500 dan ortiq mutaxassis , ekspert jamoatchilik, OAV, xalqaro tashkilotlarning vakillari, shuningdek O‘zbekistonda faoliyat ko‘rsatayotgan yirik investorlar ishtirok etdilar.

Harakatlar Strategiyasini ishlab chiqishga 3 ta masala asos bo‘ldi:

1. 
   O‘zbekiston Respublikasi Prezidenti Shavkat Mirziyoyevning O‘zbekiston Respublikasi Konstitutsiyasi qabul qilinganining 24 yilligiga bag‘ishlangan tantanali marosimdagi ma’ruzasida belgilab berilgan ustuvor vazifalar;
   
2. 
   O‘zbekiston Respublikasi Prezidenti Shavkat Mirziyoyevning 2016 yil 14 dekabr kuni Oliy Majlis Qonunchilik Palatasi va Senatining qo‘shma majlisidagi nutqida berilgan topshiriqlar;
   
3. 
   2017 yilni “Xalq bilan muloqot va inson manfaatlari yili” deb e’lon qilinganligi.