|
Tayanch iboralar: dekmokratik jamiyat, erkin bozor iqtisodiyoti, xalqaro hamkorlik, xalq bilan muloqot, Harakatlar Strategiyasi, yoshlarga oid davlat siyosati, islohat, modernizasiya, integrasiya, taraqqiyot kafolati, xalq ta’limi, o‘rta maxsus, kasb-hunar ta’limi, akademik ilm-fan.
1. Prezident Sh.Mirziyoyev tomonidan demokratik islohotlarning izchil davom ettirilishi. 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining ishlab chiqilishi va uning mazmun-mohiyati. Xalq ta’limi sohasi xodimlari oldida turgan dolzarb muammolar, ularning yechimi.
Ona Vatanimiz O‘zbekiston keyingi yillarda shiddatli islohotlar davrini boshdan kechirmoqda. Barcha jabxalarda haqiqiy uyg‘onish va taraqqiyot davri boshlandi . Bu davrni “Yangi O’zbekiston tarixi” deb atash mumkin Muhtaram Prezidentimiz Shavkat Mirziyoyev boshlab bergan O‘zbekiston taraqqiyotining yangi bosqichi jaxon hamjamiyati tomonidan ham e’tirof etilmoqda.
Ana shu shiddatli islohotlar va o‘zgarishlar bilan bir qatorda el-yurt, xalqning porloq kelajagi kafolati bo‘lgan barkamol avlod tarbiyasiga ham katta e’tibor qaratilmoqda.
O‘zbekiston Respublikasi Prezidenti Shavkat Mirziyoyev mamlakatimizda Islom Karimov davrida boshlangan islohotlarni qat’iy davom ettirishga kirishdi. 2016 yil 8 sentabrda O‘zbekiston Respublikasi Oliy Majlisi Qonunchilik palatasi va Senatining qo‘shma majlisida “Milliy taraqqiyot yo‘limizni qat’iyat bilan davom ettirib, yangi bosqichga ko‘taramiz” mavzusidagi nutqida bu haqida atroflicha to‘xtalib o‘tdilar va 6 ta ustuvor vazifalarni belgilab berdilar:
Makroiqtisodiy barqarorlikni yanada mustahkamlash va keyingi yillardagi iqtisodiy o‘sish suratlarni saqlab qolish, milliy valyutamiz barqarorligini ta’minlash, bank tizimini mustahkamlash, byudjet barqarorligini ta’minlash hamda chetdan qarz olish bo‘yicha konservativ yondashuv siyosatini davom ettirish , davlatning tashqi qarzi haddan ziyod oshib ketishga yo‘l qo‘ymaslik;
Nodir va qimmatbaho metallarni chuqur qayta ishlash, oziq – ovqat va kimyo sanoatini rivojlantirish bo‘yicha qabul qilingan dasturlarni amalga oshirish ;
Tashqi bozorda raqobat va beqarorlik kuchayib borayotgan sharoitda iqtisodiyotning real tarmoqlari bilan bir qatorda mamlakatimiz hududlarida ham raqobatdosh maxsulotlar ishlab chiqarishni ko‘paytirish va eksport salohiyatini oshirish ;
Xususiy tadbirkorlik va kichik biznes sub’ektlari manfatlarini mustaxkam himoya qilish, turli byurokratik to‘siqlar va asossiz tekshiruvlarni bundan buyon ham qat’iyat bilan cheklash;
Eng muxim ijtimoiy – iqtisodiy vazifa-Oliy Majlis palatalari, tomonidan tasdiqlangan aholining mehnat bilan bandligini oshirish dasturini bajarishdan iborat;
Xalqaro kommunikatsiya tarmoqlariga ulangan zamonaviy yo‘l- transport va muhandislik infratuzilmasini shakllantirish, shuningdek, milliy axborot kommunikatsiya tizimlarini rivojlantirish bo‘yicha ustuvor vazifalar belgilab berildi. 1 Shavkat Mirziyoyevning ushbu nutqi O‘zbekistonda demokratik islohotlarning izchil davom ettirishning yorqin dalili edi.
2016 yil 8 sentyabrda Shavkat Mirziyoyev vaqtincha Prezidentlik lavozimini bajarishga kirishar ekan, O‘zbekiston Respublikasi Birinchi Prezidenti boshlab bergan demokratik islohotlar yo‘lini qatiyat bilan davom ettirishga kirishganligini ma’lum qildi va “Milliy taraqqiyot yo‘limizni qat’iyat bilan davom ettirib, yangi bosqichga ko‘taramiz” -deya ma’lum qildi. 2030 yilga qadar O‘zbekistonda yalpi ichki maxsulotni ikki barobardan ortiq oshirishdan iborat strategik rejani amalga oshirishga kirishildi.
O‘zbekistonda demokratik islohotlarni izchil davom ettirishning yana bir yorqin dalili - 2016 yil 24 sentabrda O‘zbekiston hukumati portalida Bosh vazirning virtual qabulxonasi ochilishi bo‘ldi. Bosh vazirning virtual qabulxonasi ochilishi murojatlar bilan ishlash tizimini bugungi -shiddatli XXI asr talablariga mos holda takomillashtirish imkonini berdi. Hukumat rahbari bilan oddiy odamlar o‘rtasida hech qanday vositachilarsiz to‘g‘ridan -to‘g‘ri muloqot yo‘lga qo‘yildi. Shu bois ham mazkur virtual qabulxona ishga tushgan kuniyoq mamlakatimizning turli joylaridan mingga yaqin ariza, shikoyat va takliflar kelib tushdi.
Ko‘p o‘tmay, ushbu noyob tuzilma mamlakatimiz aholisining e’tirofiga sazovor bo‘ldi. Negaki, barchamiz guvoh bo‘lganimizdek, aksariyat muammolarni nisbatan qisqa vaqt ichida samarali, eng muhimi, qonun doirasida hal qilsa bo‘lar ekan. Buning uchun xohish va iroda, hayotdagi o‘tkir muammolarga tik qaray olish, ularni bartaraf etishning ta’sirchan yo‘llarini topish talab qilinadi.
Ta’kidlash lozimki, har qanday davlat rahbari ham adolatsizlik holatlari, halqni qiynab kelayotgan og‘ir muammolarni ro‘y-rost kun tartibiga qo‘yib, ularni bartaraf etish yo‘llarini qat’iyat bilan ko‘rsatib, bunda avvalo o‘zi o‘rnak va namuna bo‘lib, jon jahdi bilan bu ishga kirishavermaydi.
Buning uchun insonda katta yurak, o‘z halqi, o‘z vatani taqdiri uchun mas’uliyat va javobgarlikni chuqur his etish tuyg‘usi kuchli bo‘lishi kerak. Shavkat Mirziyoyev esa ana shunday noyob xislatlarni dastlabki davrdan boshlab namoyon etdilar .
Virtual qabulxona ochilgunga qadar ham mamlakatimizda davlat organlarining “Ishonch telefoni”, yagona interaktiv davlat xizmatlari portali mavjud edi. Bu sohada maxsus “ Jismoniy va yuridik shaxslarning murojatlari to‘g‘risida”gi qonun qabul qilishgan. Lekin, ming afsuski, bu qonun amalda to‘la ishlamaganini, uning ijrosini nazorat qilish o‘z holiga tashlab qo‘yilganini, aniqrog‘i bu masalaga ikkinchi darajali bir ish sifatida qaralganini bugun ochiq tan olishga majburmiz.
“Ishonch telefoni” yoki Yagona interaktiv davlat xizmatlari portaliga yuborilgan murojaatlar aksariyat hollarda yana kelgan joyiga-quyi bo‘g‘indagi idora va rahbarlarga qaytarib yuborilardi, gapning qisqasi- xalq, jamiyat qanday nafas olayotganini yaqqol namoyon etadigan qaysar indekator bo‘lgan xalq murojaati, ariza va shikoyatlari javobsiz qolib ketaverardi.
Shavkat Mirziyoyev 2016 yil 19 oktyabrda Tadbirkorlar va ishbilarmonlar harakati-O‘zbekiston Liberal demokratik partiyasining VIII- s’ezdidagi “Demokratik islohotlarni izchil davom ettirish, xalqimiz uchun tinch va osoyishta, munosib hayot darjasini yaratish-barqaror taraqqiyot kafolatidir” nomli ma’ruzasida: “ Xalq davlat idoralariga emas, balki davlat organlari, xalqimizga xizmat qiladigan vaqt keldi ... Bundan keyin joylardagi raxbarlar faolyatiga baho berish birinchi navbatda o‘z hududidagi aholi murojaatlari soniga qarab, ularning amaliy echimiga qarab va xalq ichida yurishiga qarab belgilanadi. Qisqa qilib aytganda, ularga xalqning o‘zi baho beradi”2 –deb ta’kidladilar.
Shavkat Mirziyoyev 2016 yil 1 noyabrdan 24 noyabrga qadar Qoraqalpog‘iston Respublikasi, viloyatlar va Toshkent shahri saylovchilari vakillari bilan saylovoldi uchrashuvlarini o‘tkazdi. Saylovoldi uchrashuvlarida so‘zlagan nutqlari “ Buyuk kelajagimizni mard va olijanob xalqimiz bilan birga quramiz” kitoblariga kiritilgan. (Toshkent, “O‘zbekiston” nashiryoti , 2017 yil, 488 bet )
Saylovoldi uchrashuvlari Andijon viloyatidan boshlandi. Bo‘z tumanida o‘tkazilgan saylovoldi uchrashuvida “ Zamon bilan hamnafas diyor” mavzusida nutq so‘zladilar
Do'stlaringiz bilan baham: |
