Mавзу: Палеолит даври археологияси Режа

---

Mавзу: Палеолит даври археологияси 
Режа: 
1.
Палеолит даври умумий тавсифи. 
2.
Олдувай даври. 
3.
Ашал даври. 
4.
Ўрта палеолит (мустье даври). 
5.
Сўнгги палеолит даври. 
6.
Палеолит даври тасвирий санъати. 
Калит сўзлар: Кайназой, антропоген, плейстоцен, палеоантология, 
леваллуа, архантроп, неандертал, ашел, мустье.
Палеолит (
юн
. 
палейос
-қадимги, 
лот
. 
литос
-тош) қадимги тош асри 
антропоген даврнинг эоплейстоцен ва плейстоцен босқичларига мос келиб, 
мил. авв. 3/2,6 млн.-12 минг йилликлар билан саналанади. Палеолит ўз 
навбатида илк, ўрта ва сўнгги босқичларга бўлинади.
Илк палеолит.
(мил.авв. 3/2,6 млн.-120/100 минг йилликлар). Илк палеолит 
даври археологик жиҳатдан олдувай ва ашел (илк, ўрта ва сўнгги) 
босқичларидан иборат бўлиб, ибтидоий одамларнинг илк вакиллари-
архантроплар
яшаган. Олдувай ва ашел даврининг дастлабки босқичида ер 
юзининг иқлими иссиқ, ўсимлик ва ҳайвонот дунёсига бой виллифранк 
фаунасига хос ҳайвон турлари яшаган.
Илк палеолит даври ёдгорликларининг энг қадимгиси Шарқий Африка 
ҳудудидан топилган. Улардан Афар воҳасидаги Вест Гона (Эфиопия) (2,8-2,4 
млн.йил аввал) ва Кениядаги Кооби Фора (2 млн. йил аввал) маконларидан 
вулқон лаваси қотишмаси, кварц ва чақмоқтошли слансдан ясалган тош 
қуроллари ва ҳайвон суяклари топилган.
Ўтган асрнинг 60-йилларида АҚШлик палеантрополог Ликилар (Луис, 
Мэри ва ўғли Роберт) оиласи Африканинг Серенгети водийсидаги (Кения) 
Олдувай макондан мил. авв. 1,75 млн. (мил.авв. 1,89 млн.) йилликда яшаган 
энг қадимги ибтидоий одамнинг (homa habilis) суягини топиб ўрганишган. 
Евросиё ҳудудида ҳам олдувай одами билан замондош суяк топилмалари 

---

топилмалар мавжуд. Кавказнинг Дманиси шаҳарчаси (Грузия) яқинидаги 
макондан homa erectus суяги ва улар фойдаланган тош қуроллари топилиб, 
улар калий аргон текшириш натижаларига кўра мил. авв. 1,6 млн. йилликлар 
билан саналанган.