Mавзу: Палеолит даври археологияси Режа

Ибтидоий давр тасвирий санъати.
Палеолит даври қоя тош 
расмларининг дастлабки намуналари XIX асрнинг охирги чорагида (1879 йил) 
испаниялик археолог олим М.Саутол Испаниядаги Алтамир ғорида аниқлаган. 
Ўтган асрнинг бошида (1901) Э.Карталяк ва А.Брейл Алтамир ғори шифти ва 
деворларига чизилган ҳайвон тасвирларининг 150 намунасини ўрганган.киши 
диққатини ўзига тортади. 
Қоя тошларга чизилган қоя тош расмлари ноёб намуналари Франциядаги 
Ле Комбарелл ғорида аниқланган. Унда мамонт, бизон, буғи, от ва айиқ 
тасвиридан иборат тахминан 300 та расмлар ўрганилган. Қоя тош расмлари 
орасида одамларнинг тасвири ҳам қисман ҳам учрайди, уларнинг аксарият 
қисми ниқоб кийган ҳолатда чизилган. 
Зоолог олим А.В.Рюмин (1959 йили ) Россиянинг Урал тоғидаги Капова 
ғорида сўнгги палеолит даврига оид мамонт, от ва каркидонлар тасвири 
ўрганилган. Қаттиқ тош синиқлари билан уйиб чизилган тасвирларнинг 
устидан қизил рангли бўёқлар бериб ишланган. Тасвирларнинг дастлабки 
намуналари мил. авв. 30 минг йиллик бошқалари эса тахминан мил.авв. 12 
минг йиллик билан саналанган. 
Сўнгги палеолит даври тасвирий санъатининг бошқа бир тури аёл 
ҳайлчалардан иборат. Улар одатда кийимсиз ёки кам ҳолларда кийим-боши 
билан ишланган. 12-15 см.дан иборат ҳайкалчалар оҳактош ёки мергел 
(оҳакгил) каби юмшоқ тош навларидан ва қисман ҳайвонларнинг суягидан 
ясалган.
Палеолит даври зухроси номи билан машҳур бўлган бошқа бир турдаги 
ҳайкалчалар Франция, Белгия, Италия, Германия, Австрия, Чехия, Украина ва 
кўпроқ Россиянинг археологик ёдгорликларидан топиб ўрганилган.
Сўнгги палеолит даври тасвирий санъат намуналарининг ҳар бирида 
ибтидоий жамоа аъзоларининг хўжалиги, ижтимоий ҳаёти ва ғоявий-
дунёқараш тушунчалари ўз аксини топган. 

 
 

---