Mavzu: O’quvchi yoshlarda mediasavodxonlikni shakllantirishning pedagogik asoslari

Tadqiqotning metodologik asosini maktablarda va oliy ta’lim bakalavr ta’lim yo’nalishlarida mediasavodxonlik vositasida o’qitishni tashkil etish bo’yicha pedagogic hodisalar tahliliga modelli yondashuv nazariyasi tashkil etadi. Tadqiqotning me’yoriy metodologiyasi O’zbekiston Respublikasi «Ta’lim to’g’risida»gi qonuni davlat va hukumatning oliy ta’limga oid qarorlari va direktiv hujjatlariga tayanadi.
Tadqiqotda qo’llanilgan metodlar. O’quvchi yoshlarda mediasavodxonlikni shakllantirish vositasida o’qitishni tashkil etish, unga doir adabiyotlar bilan ishlash, kuzatish, eksperiment, statistik tahlil va natijalarni matematik tahlil qilish metodlaridan foydalanildi.
Tadqiqotning ilmiy ahamiyati: tadqiqot davomida to’plangan ma’lumotlar va erishilgan natijalar o’rta umumta’lim maktablari ta’lim-tarbiya jarayonlarida mediata’lim, mediasavodxonlik vositasida o’qitishni samarali tashkil etish, ta’lim tizimini boshqarish, ta’limda axborot texnologiyalaridan samarali foydalanishga, fanlarning rivojiga, ilmiy bazasini boyitishga xizmat qiladi.
Tadqiqotning amaliy ahamiyati: ta’lim-tarbiya jarayonlarida ilg’or xorijiy tajribalar asosida shakllangan mediata’lim vositasida o’qitishni samarali tashkil etishda muhim ahamiyat kasb etadi.
Tadqiqotning ilmiy yangiligi:
O’zbekistonda haligacha mediata’limga oid darslik, monografiya yaratilmagan. doktorlik dissertatsiyalarida o’rganilmagan. Mavzuning yangiligi tadqiqotning dolzarbligini ham belgilaydi.
1.Media savodxonlik tushunchasini mazmun-mohiyati, asosiy kategoriyalarini shakllantirishning pedagogik, psixologik va metodik jihatlarini aniqlashtirish;
2. O’quv-tarbiyaviy jarayonda yoshlarni media savodxonlik, tanqidiy fikrlash erkinligini ta’minlash va psixologik jihatdan o’rganish ;
3. Media ta’limda yoshlarni OAV orqali rivojlanishini o’rgatish usullari, o’quvchilarni mustaqil fikrlashni rivojlantirishning pedogogik modeli tahlil etish va o’quv tarbiyaviy jarayonlarini shakllantirish