Mavzu: O’quvchi yoshlarda mediasavodxonlikni shakllantirishning pedagogik asoslari

Tadqiqotning o’rganilganlik darajasi. Ta’lim tizimida media texnologiyalaridan foydalanish bo’yicha mavjud ilmiy nashrlarning tahlili shuni ko’rsatadiki, mediata’limdan foydalanish masalasiga jahon miqyosida katta e’tibor berilgan va sezilarli natijalarga erishilgan. Jumladan, xorijlik olimlar Vozchikov V., Zasnobina L., Maklyuen G., Novikova A., Spichkin A., Fedorov A., Voropaev M.¹, mediasavodxonlik bo’yicha tadqiqotlar olib borishgan. Shuning bilan, birga A.V.Osin elektron media vositalarining ta’lim tizimi uchun taqdim etayotgan yangi imkoniyatlarini ko’rib chiqqan va beshta yangi pedagogik usullar haqida so’z yuritgan. Bajenova L.M., Baranov O.A., Shergova O.B.² mediasavodxonlik va jurnalistika mavzularida izlanishlar olib borishgan. O’zbekistonda ham mediata’lim bo’yicha mutaxassislarning bir qancha fikrlari mavjud. “Tarbiya”, “Xalq ta’limi”, “Uzluksiz ta’lim” jurnallarida mediasavodxonlikga bag’ishlangan qator ilmiy maqolalar chop etilgan. Jumladan, Djumanova S.B, Mamatova Ya., Sulaymanova S, Rustamova N., Babadjonov S.S, Fayziyev M.A., Shoniyazova I.M.³ tomonidan O’zbekistonda mediasavodxonlik bo’yicha tadqiqotlarni amalga oshirilgan. Mazkur ishlarda mediata’lim bo’yicha tushunchalar, uning samaradorligi, vositalari haqida fikr yuritilgan.
Tadqiqot obyekti: O’quvchi yoshlarda mediasavodxonlikni shakllantirish jarayoni tanlab olinib, unda Namangan viloyati Norin tumani 18-28-maktablarining 214 nafar respondent-o’quvchilari ishtirok etgan.
Tadqiqot predmeti: O’quvchi yoshlarda mediasavodxonlikni shakllantirish jarayonlarini tahlil etish.
Tadqiqot ishining maqsadi: O’quvchi yoshlarda mediasavodxonlikni rivojlantirishning pedagogic va psixologik mexanizmlarini takomillashtirishdan iborat.
Tadqiqot vazifalari:
1. Mediasavodxonlik tushunchasi, tarixi, paydo bo’lishi hamda zamonaviy medianing turlari va funksiyalari, elektron medianing muhim xususiyatlarini tahliliy o’rganish;
2. Mediasavodxonlikning psixologik-pedagogik jihatlarini o’rganish;
3. O’quv-tarbiyaviy jarayonda mediadan samarali foydalanish usullari, pedagogning mediakompetensiya bo’yicha mavjud metodlarni o’rganib chiqish;
4.O’quvchi yoshlarda mediasavodxonlikni shakllantirish natijalari bo’yicha tajriba-sinov o’tkazish va buni tahlil etish.