Мавзу: Нефткимёвий синтезлар Режа: Нефтни қайта ишлаш жараёнида содир бўладиган реакциялар Нефть таркибидаги углеводородлар

Алкенларнинг кимёвий хоссалари
Алкенлар реакцияга ўта реакцион бирикмалардир. Қуйида уларнинг энг зарур реакцияларини кўриб ўтамиз. Водородни бириктириб олиш:

Ўта майдаланган платина ёки палладий иштирокида хона ҳароратида водород алкенларга бирикади. Реакция аналитик аҳамиятга эга. Ушбу шароитларда арен углеводородлар гидрирланмайдилар. Шундай қилиб, алкенларнинг миқдорини ушбу йўл билан аниқлаш мумкин. Масалан, крекинг бензинларида алкенларни симоб (II) ацетати ва олтингугурт (I) хлорид S₂Cl₂ билан реакциялари ҳам аналитик аҳамиятга эга.
А) Симоб ацетатининг бирикиши:

Ушбу усул бўйича алкенларни бошқа углеводородлардан тоза ҳолда ажратиб олиш мумкин.
Б) S₂Cl₂ ни бириктириш:

Ушбу реакция ҳам алкенларни нефть маҳсулотларидан миқдоран ажратиб олишда хизмат қилади.
Алкенларни оксидлаш, озонлаш ва бошқа реакциялари.
Ушбу реакциялар олефинлардаги қўш боғни ўрнини ҳосил бўлаётган маҳсулотлар таркиби бўйича аниқлашга ёрдам беради.

Бундан ташқари оксидлаш реакциялари, этилен оксиди, ацетальдегид ва акролеин олишда амалий аҳамиятга эга.

Пропилен ва аммиак аралашмаси оксидланганда (оксидлаб аммонолиз қилиш) акрилонитрил ҳосил бўлади ва у синтетик каучук ва кимёвий тола олишда зарур мономер ҳисобланади:

Алкенларни қайта ишлаш саноат жараёнларидан полимеризация, дегидрирлаш, хлорлаш ва гидрохлорлаш, гидратация, алкиллаш, оксосинтезларни кўрсатиб ўтиш мумкин. С₆–С₁₅ алкенларни саноат миқёсида ишлаб чиқариш ҳамда юқори октан сонли бензин компонентларини олишда қуйи молекуляр олигомерлар (димерлар, тримерлар, тетрамерлар) алкенларни полимерлаб олинади:

Алкенларни юқори молекуляр полимерларгача полимерлаш, қимматбаҳо полимер материаллари– полиэтилен, полипропилен ва полиизобутиленларни олишга имкон беради:

Б утилен ва изоамиленларни дегидрирлаганда 1,3–бутадиен ва изопренлар ҳосил бўлиб, улар каучуклар синтезида асосий мономерлардир.

Этилен ва пропиленларни хлорлаш ва гидрохлорлаш айрим эритувчи ва оралиқ маҳсулотларни олишда аҳамиятли реакциялар хисобланади.

Нордон катализаторлар иштирокида алкенларни гидратацияси спиртларни ҳосил бўлишига олиб келади.

Алкенларни тармоқланган алканлар билан алкиллаганда юқори октанли мотор ёқилғиси ҳосил бўлади.

Моноциклик аренларни алкенлар билан алкиллаганда алкилбензоллар ҳосил бўлади:

Алкилбензоллар асосий органик синтез саноатининг қимматли хом ашёсидир.
Юқори алкенларга сульфат кислота бириктирилганда (сульфурлаш реакцияси), уларнинг нордон эфирлари ҳосил бўлади ва ушбу алкилсульфатлар синтетик ювиш воситаларини олишда қўлланилади.

Кобальт катализатори иштирокида алкенларни углерод оксиди ва водород билан реакцияси (оксосинтез) альдегидлар ишлаб чиқаришда катта аҳамиятга эга.
R – СН = СН₂ + СО + Н₂  RСН₂СН₂СНО
Альдегидларни кейинги босқичда қайтарилиши натижасида мос равишда бирламчи спиртларни олиш имкониятини беради.