Мавзу: Нефткимёвий синтезлар Режа: Нефтни қайта ишлаш жараёнида содир бўладиган реакциялар Нефть таркибидаги углеводородлар

н-Алканларни Карбомид билан комплекслари
1940 йилда немис олими Бенген таркибида углерод сони 6 дан кўп бўлган н–алканлар мочевина (карбамид) билан кристалл комплексларни ҳосил қилишини аниқлаган. Тармоқланган алканлар ва циклик углеводородлар (циклоалканлар, аренлар) карбамид билан одатда комплекс ҳосил қилмайди. Комплекснинг тузилишини рентгенструктуравий таҳлил кўрсатиб берди. Комплекслар гексагонал тузилишга эга бўлиб, карбамид молекулалари 6 қиррали тенг томонли призма ён қирраларида спирал бўйича жойлашган бўлади (7.1-расмга қаранг):

7.1-расм. Карбомид комплексини кристаллик панжарасини чизмаси
 карбамид молекуласидаги кислород атомлари;
 бир элементар ячейкадаги кислород атомлари.


Алканлар

Нормал тузилишга эга бўлган алканлар юқори цетан сонига эгадир. Молекулаларнинг тармоқланиши, алангаланиш хоссаларини ёмонлашишига олиб келади; ён занжирлар қанча кўп бўлса, цетан сони шунчалик паст бўлади. Бир хил тузилишли углеводородлар молекуляр массасининг ортиши билан уларнинг цетан сони ошади. Спирал молекулалараро водородли боғлар ҳисобига ушланиб туради:

Спирал ўрами, элементар ячейкалари 6 карбамид молекуласидан таркиб топган бўлиб, ўзаро параллел ва 0,37 нм масофада жойлашган бўлади. Спирал ичида гексагонал формали канал мавжуд бўлиб, унинг эффектив диаметри 0,49 нм бўлади. Шу сабабли, улар ушбу каналларга яхши жойлашади ва Ван-дер-Ваальс кучлари ҳисобига ушланиб қолади. Тармоқланган алканлар, циклоалканлар ва аренлар молекулаларини критик диаметри 0,49 нм дан ортиқ бўлиб, каналнинг эффектив диаметри эса 0,49 нм бўлгани учун карбамид билан аддуктлар (комплекс бирикма) ҳосил қилмайди. Қайнаш тамператураси 350⁰С дан юқори бўлмаган ўртача нефть фракцияларини депарафинлаш самарали боради.
Карбамид ёрдамида депарафинизация жараёни совуққа чидамли қишки нав ёқилғиларини, трансформатор мойларини олишда, оқсил–витаминли концентратлар (ОВК), синтетик ёғ кислоталари ва спиртлар, ювиш воситалари ишлаб чиқариш учун хом ашё бўлган суюқ нормал парафинлар олишда қўлланилади.
Карбамидли депарафинизация таҳлил мақсадларида ҳам ўтказилиши мумкин. Бироқ ушбу усул билан нормал алканларни тўлиқ ажратиб олиш мушкул. Уларни тўлароқ ажратиб олиш учун цеолитлар ёрдамида адсорбцияни қўллаш керак.