Mavzu: Mustaqillik va ona tili haqida suhbat

III. Yangi mavzu bayoni.
Darslik bilan ishlash.
392- mashq. O'qing. O'tgan zamon fe'llarini aniqlang. Ularning aytilishi va yozilishini taqqoslang.
1. Maktab so'zi o'zbek tiliga arab tilidan kirib kelgan. 2. Bu nihollarni bobom bilan kech kuzda ekkanmiz. (Safar Barnoyev) 3. Bobur „Boburnoma" asarida O'shning binaf-shasi, lolalari, oqar suvlari, qizil toshlari haqida yozgan. (Pirimqul Qodirov)
Fe'l o'zaklarining qaysi tovush bilan tugaganiga diqqat qiling. Fe'llarga o'tgan zamon qo'shimchasi qaysi shaklda qo'shilgan?
IV. Mustahkamlash.
393- mashq. O'qing. O'tgan zamon fe'llarini aniqlang. Ularning gapdagi vazifasini ayting.
RAHMDILNING DARAXTI
Rahmdil onasi bergan pulga etik va yegulik olish uchun bozorga bordi. U bozorda ochlikdan madori qurigan kampirni uchratdi. Rahmdil kampirga achindi va undan terak ko'chatlarini sotib oldi. Rahmdil ko'chatni tomorqaga o'tqazdi, tagiga suv quydi. U tongda hovliga chiqdi. Teraklarni ko'rib, hayratdan turgan joyida qotib qoldi...
(Olloyor Begaliyevdan)
Rasm asosida ertakni davom ettiring. Rahmdil to'g'ri ish qildimi? Uning o'rnida siz nima qilgan bo'lardingiz?
O'tgan zamon qo'shimchasi k tovushi bilan tugagan fe'llarga -kan; q tovushi bilan tugagan fe'llarga -qan; boshqa fe'llarga -gan shaklida qo'shiladi.
394-mashq. Berilgan fe'llarga o'tgan zamon qo'shimchalarini qo'shib yozing va yozilishini izohlang.
Qirq, qo'rq, bich, cho'k, chop.
Shu fe'llardan qatnashtirib, ikkita gap tuzing va yozing.
V.Uyga vazifa:
395- mashq. O'qing va ko'chiring. So'roqlar yordamida fe'llarni toping.
Yurtimizda yog'och o'ymakorligi san'ati qadimdan ri-vojlangan. Xiva shahri o'zining yog'och o'ymakorligi bilan butun dunyoga tanilgan.
1937-yil xivalik ustalar ishlagan naqshinkor ustun Parijda oltin medal bilan taqdirlangan.
Xivalik ustalar Alisher Navoiy teatrini bezashda ham qatnashganlar.
(„Gulxan"dan)
O'tgan zamon qo'shimchasining tagiga to'lqinli chiziq chizing. Ularning aytilishi va yozilishini qiyoslang.
VI. Darsni yakunlash. O’quvchilar bilimini baholash.