Mavzu: Mustaqillik va ona tili haqida suhbat

3.04.2017 135-dars
Mavzu: 13- nazorat ishi. „Chumchuq" mavzusida bayon yozish
Darsning maqsadi: a) o'quvchilarning bayon yozish ko'nikmalarini shakllantirish. Hikoyani reja asosida bayon etishni, voqea haqida o'z fikrlarini bildirishni o'rgatish; b) o'quvchilarda tabiatda uchraydigan g'aroyib hodisalar haqidagi voqealar orqali tabiatga mehr uyg'otish. Tabiat jonzotlariga muruvvat ko'rsatishga undash.
Darsning turi: umumlashtiruvchi-tekshiruvchi dars.
Darsning metodi: mustaqil ish metodi.
Darsning borishi.
1. Darslik bilan ishlash.
O'quvchilar rayhon, qurt-qumursqa, hasharot so'zlarining yozilishini esda saqlashlari ta'kidlanadi.
Sinf 2 guruhga ajraladi. 1 - guruh quyidagicha savol tuzadi.
— Dadasi qiziga nima uchun rayhonlarni qo'riqlashni buyurdi?
— Qizcha nima qildi?
— U nimaga hayron bo'ldi?
— Qizcha nimani bilib oldi?
2- guruh shu savollarga javob beradi va hikoyani qayta so'zlab beradi.
Matnga quyidagicha reja tuziladi.
Reja
1. Dadasi rayhonlarni qo'riqlashni buyurdi.
2. Qizcha hayron bo'ldi.
3. Rayhon — qurt-qumursqalardan saqlaydi.
Bayon matni reja asosida 2—3 o'quvchiga qayta hikoyalatiladi. Qayta hikoyalashda o'quvchilar qaysi o'rinni tushirib qoldirsa yoki voqealarni ifodalashda qiynalsa, o'sha o'rinlar ustida ishlanadi.
O'quvchilar bayonni III shaxs tilidan yozadilar. Yozgan matnlarining mazmunan to'liq yoki to'liq emasligini darslikka qarab tekshiradilar. Yozganlarini to'ldirish istagi bo'lsa, ruxsat beriladi.


04.04.2017 136-dars
Mavzu: Bayon tahlili
Maqsad: A) Ta’limiy: bayonni tahli qilishga o’rgatish;
B) Tarbiyaviy: sinfda o’zaro hamkorlik, do’stlikni tarbiyalash;
C) Rivojlantiruvchi: bayonni tahlil qilish ko’nikmasini hosil qilish.
Darsning metodi: tahlil, savol-javob, suhbat, o’z-o’zini tekshirish
Dars jihozlari: fe’l zamonlarining qo’shimchalari yozilgan jadval.
Darsning borishi:
I.Tashkiliy qism:
Salomlashish;
Davomatni aniqlash;
Darsga tayyorgarlik ko’rish;
Darsning maqsadini aytish.
II. O’tgan mavzuni so’rash va mustahkamlash
Insho yoki bayonni tahlil qilish darsida xatolar ustida ishlash maqsadi uchun darsning ikkinchi qismi — 20—25 daqiqasi ajratiladi. O’qituvchi o’quvchilar insho yoki bayonni qanday yozganlari haqida qisqa tushuncha berib, eng yaxshi yozilgan matnni o’qib beradi, mazmundagi, mavzuni yoritishdagi kamchiliklar, imloviy va nutqiy xatolar aniqlanadi. Yo’l qo’yilgan xatoni to’g’rilash yo’li tushuntiriladi. Shundan so’ng xato ustida birgalikda ishlanadi: o’qituvchi yo’l qo’yilgan xatoning bir turini to’g’rilash yuzasidan topshiriq beradi: „Noo’rin ishlatilgan so’zni boshqasi bilan almashtiring”. Xatosi bor matnni o’qib yoki yozib beradi, o’quvchilar yo’l qo’yilgan xatoni topadilar, maqsadga muvofiq so’z bilan almashtirib, uni to’g’rilaydilar va tushuntiradilar.
Ayrim o’quvchilar yo’l qo’ygan individual xatolar darsdan tashqari vaqtda, qo’shimcha mashg’ulot jarayonida to’g’rilanadi. O’quvchi bilan individual suhbatda ham, sinfda jamoa bo’lib ishlash jarayonidagi kabi bolalarning aqliy faolligiga, ya’ni u xatosi nimadaligini tushunibgina qolmay, balki uni to’g’rilashi va tushuntirishiga erishish muhimdir.
III. Didaktik o’yin:
O’qituvchi: - Hozir bolajonlar “Topag’on” o’yinini o’ynaymiz. Mana bu berilgan so’zlarni o’z o’rniga qo’yasiz.
Mohira, shirin, cho’mildi, kitob, go’zal, bulut, o’qidi, maktab, nurli,yozdi, rangli, bahor, bordi, shirin, bola, achchiq, yugurdi, sochdi.

To’g’ri bajargan qator rag’batlantiriladi.

Xotirani charxlash maqsadida esda qolish o’yini.
Magnitafondan matn o’qib beriladi. O’quvchilar esda qolgan gaplarni so’zlarni so’zlab beradilar.