Mavzu: Lizing kompanyalari va ularning iqtisodiyotdagi o’rni. Reja: Kirish

Mavzu: Lizing kompanyalari va ularning iqtisodiyotdagi o’rni.

Reja:

Kirish

1. 
   Lizing tushunchasi va uning iqtisodiy mohiyati
   
2. 
   Lizing operatsiyalarining mohiyati va O’zbekistondagi rivojlanishi.
   
3. 
   Mamlakatimiz iqtisodiyotida lizing kompaniyalarining ahamiyatini oshirish masalalari.
   

Xulosa.

Foydalanilgan adabiyotlar ro’yxati.

Kirish

Hozirgi kunda milliy iqtisodiyotda ishlab chiqarishni modernizatsiya qilish va yangilash, qishloq xo’jaligi texnik va texnologik jihatdan zaruriy uskunalar bilan ta’minlash, transport va muhandislik-kommunikatsiya infratuzilmasini rivojlantirish, kichik biznes va xususiy tadbirkorlikni taraqqiy ettirishda lizing kompaniyalari faoliyati, ularning boshqaruv tizimini samarali tashkil etish asosiy mezonlardan biri hisoblanadi.

O’zbekiston Respublikasining 2015 yildagi 1-chorak bo’yicha asosiy makroiqtisodiy ko‘rsatkichlarga nazar tashlar ekanmiz, mamlakatimiz yalpi ichki mahsuloti 7,5 foiz, sanoat ishlab chiqarish hajmi 7,9 foizga, qishloq xo‘jaligi ishlab chiqarishi 6,3 foizga, xizmat ko’rsatish sohasi 13.1 foizga, chakana savdo aylanmasi hajmi 15,2 foizga oshganligini e’tirof e’tish mumkin. Xususan, Prezidentimiz Islom Abdug‘anievich Karimov ta’kidlaganidek “2015 yilda iqtisodiyotimizda tub tarkibiy o‘zgarishlarni amalga oshirish, modernizatsiya va diversifikatsiya jarayonlarini izchil davom ettirish hisobidan xususiy mulk va xususiy tadbirkorlikka keng yo‘l ochib berish – ustuvor vazifamizdir¹” . Bu vazifalarni amalaga oshirishda albatta, lizing kompaniyalarining iqtisodiyotni modernizatsiyalash va uni rivojlantirishga doir lizing faoliyati ham alohida ta’kidlash zarur. Hozirgi kunda milliy iqtisodiyotda yuzaga kelayotgan muammolardan biri bo‘lib, ayrim ishlab chiqarish korxonalarida ishlab chiqarishni modernizatsiya qilish va uni yangi zamonaviy texnika-tehnologiya bilan ta’minlashga zarur mablag‘larning yetishmasligi kuzatilmoqda va buning echimi asosida banklar, lizing kompaniyalari xamda boshqa kredit tashkilotlar tomonidan lizing xizmatlarini joriy etilishi iqtisodiyotni rivojlantirishda yana bir muxim omil bo‘lmoqda.

Bugungi kunda boshqa sohalar qatorida lizing faoliyati sohasi ham O‘zbekistonda iqtisodiyotning jadal rivojlanayotgan sohalaridan biri hisoblanadi. Lizing ishlab chiqaruvchi bilan iste’molchi o‘rtasidagi o‘ziga xos ko‘prik bo‘lib kelmoqda. Ishlab chiqaruvchi o‘z ishlab chiqargan mahsulotini lizing orqali tezda sotish, iste’molchi korxona esa, lizing yordamida kam mablag‘ sarflash orqali yangi texnika olish va o‘z mashina-traktor parkini kengaytirish va uni yangilash imkoniyatiga ega bo‘ladi.