Mavzu: Kutubxonashunoslik fanining metodologiyasi Reja

«Oyna» jurnalining 1913–1915 yillarda chiqqan 68 sonining har birida «Kutubxonai Behbudiya»da o‘qishga tavsiya etilgan va kutubxona qoshidagi kitob do‘konida sotilgan adabiyotlar ro‘yxatida har safar 70–80 nomdagi kitob va boshqa bosma nashrlar e’lon qilinar edi. Agar Mahmudxo‘ja Behbudiy tomonidan boshqa shaharlarda ochilgan kitob do‘konlari kitoblarni Samarqand shahridan markazlashtirilgan tartibda olib turganini hisobga olsak, Behbudiyga har yoqdan qancha ko‘p kitoblar yuborilib turilganligi, shuningdek, Behbudiy tomonidan butun Turonzamin bo‘ylab tarqatilgan adabiyotlar ko‘lami haqida tasavvur hosil qilishimiz qiyin emas. Zotan, har bir nomdagi bosma mahsuloti Behbudiyga o‘nlab, ba’zan esa hatto yuzlab nusxalarda yuborilar edi.

«Oyna» jurnalining 1913–1915 yillarda chiqqan 68 sonining har birida «Kutubxonai Behbudiya»da o‘qishga tavsiya etilgan va kutubxona qoshidagi kitob do‘konida sotilgan adabiyotlar ro‘yxatida har safar 70–80 nomdagi kitob va boshqa bosma nashrlar e’lon qilinar edi. Agar Mahmudxo‘ja Behbudiy tomonidan boshqa shaharlarda ochilgan kitob do‘konlari kitoblarni Samarqand shahridan markazlashtirilgan tartibda olib turganini hisobga olsak, Behbudiyga har yoqdan qancha ko‘p kitoblar yuborilib turilganligi, shuningdek, Behbudiy tomonidan butun Turonzamin bo‘ylab tarqatilgan adabiyotlar ko‘lami haqida tasavvur hosil qilishimiz qiyin emas. Zotan, har bir nomdagi bosma mahsuloti Behbudiyga o‘nlab, ba’zan esa hatto yuzlab nusxalarda yuborilar edi.

«Kutubxonai Behbudiya» fondi va kitob do‘konidagi adabiyotlarning qariyb uchdan ikki qismini tarixga oid kitoblar tashkil etganligi tarixni bilishga Behbudiy qanchalik katta e’tibor berganligini ko‘rsatadi. Oxirgi XX asr voqealari Behbudiy «Moziy – istiqbolning tarozisidir» deganida naqadar haq ekanligini tasdiqladi. Mana, «Oyna» jurnalining 43 va 47-sonlarida keltirilgan tarixga oid adabiyotlarning qisqacha ro‘yxati: «Buyuk umumiy tarix», 3 jildli «Madaniyat tarixi», «Tarixiy istiqbol», «Islom tarixi», «Islom olami va Ovrupa XX asrda», «Turkiy xalqlar tarixi», «SHohlarning g’alabalar kitobi», «Usmoniylar saltanati ko‘zgusi», «Islom madaniyati tarixi», «Amir Temur», «Eron tarixi», «Buyuk Eron tarixi», «Baxtiyor tarixi», «Amerikaning kashf etilishi tarixi».