Mavzu. Kimlar ?, nimalar ? so'roqlariga javob bo'lgan so'zlar haqida tushuncha. Darsning maqsadlari: Ta’limiy

Mavzu. Kimlar ?, nimalar ? so'roqlariga javob bo'lgan so'zlar haqida tushuncha.
Darsning maqsadlari:
Ta’limiy: Narsa va shaxsni nomi bo'lgan so'zlar haqida o'quvchilar tasavvuriga aniqlik kiritish; FK1: mashq va topshiriqlardagi so’zlarni tinglab tushuna olish, so'zdagi bo'g'inlar sonini unli tovushlar soniga qarab ajratish ko'nikmasini o'stirish.
Tarbiyaviy: o‘quvchilarda to‘g‘rililik, vijdonlilik hislatlarini tarbiyalash; TK2: axborot manbalaridan va darslik materiallaridan tashqari (kitob, lug‘at) manbalardan ma’lumotlarni izlab topa olish va foydalanish; TK3: o‘zining xato va kamchiliklarini to‘g‘ri tushunib, o‘zini nazorat qila olish va xatolarini tuzatishga harakat qilish, kattalarga, kichiklarga va o‘rtoqlariga yordam berish; TK4:o‘zidan kattalarga, o‘rtoqlariga va o‘zidan kichiklarga yordam berish;TK5:yaxshi va yomon odatlarni bir-biridan farqlay olish;
Rivojlantiruvchi:o‘z fikrini tinglovchilarga yetkaza olish, ifodali o‘qish va ohangdor qilib gapirish malakalarini takomillashtirish; FK2: talaffuz me’yorlariga, bo‘g‘in ko‘chirish qoidasiga rioya qila oladi, mavzuga oid so‘zlarni og‘zaki va yozma nutqda, o‘zlashtirilgan leksik birliklarni matnda qo‘llay olish.
Darsning turi: yangi bilim beruvchi dars.
Darsning metodi: suhbat, analiz,“Blits so‘rov” metodi,ko‘rgazmalilik.
Darsning jihozlari: vatanimizning hozirgi ko‘rinishi va kuz fasli tasvirlangan mazmunli rasmlar, multimedia ilovalari.


Darsning borishi:
I.Tashkiliy qism.
Salomlashish.
Navbatchi axborortini tinglash.
O’quvchilarning darsga tayyorgarligini tekshirish.
II. O‘tilgan mavzuni mustahkamlash.

Husnixat daqiqasi: Ona tilim – jonu dilim, Sen-la olay chuqur bilim, Yozuv darsin boshlaymiz, Olg’a qadam tashlaymiz. Daftarlarni chiqarib Ruchkalarni shylaymiz. Chiroyli yozish uchun Bor kuchimiz sarflaymiz! Yorug‘ kunni boshlaydi, Undan borliq yashnaydi. (Quyosh)

1. Uyga berilgan vazifa o‘quvchilar daftari ko‘rib chiqiladi.

2. Suhbat yordamida uy vazifasi qanday bajarilganligi aniqlanadi.
Tilimizda nima uchun yangi so'zlar yaratilishi haqida suhbat o'tkaziladi.